អ្នកទោស​អ៊ីរ៉ង់​រួច​ជីវិត​ពី​ការព្យួរ​ក​លើកទីមួយ ឥឡូវ​ត្រូវ​ព្យួរ​ម្តងទៀត​ពេល​ចេញពី​មន្ទីរពេទ្យ​ | CEN: World News
Cen-logo

ដំណឹងអន្តរជាតិ

អ្នកទោស​អ៊ីរ៉ង់​រួច​ជីវិត​ពី​ការព្យួរ​ក​លើកទីមួយ ឥឡូវ​ត្រូវ​ព្យួរ​ម្តងទៀត​ពេល​ចេញពី​មន្ទីរពេទ្យ​

ថ្ងៃទី 16 តុលា 2013, 10:38:AM

Give our kids a better deal
អ៊ីរ៉ង់​មាន​អត្រា​ប្រហារជីវិត​ខ្ពស់បំផុត​ក្នុង​មនុស្ស​ម្នាក់ៗ និង​បាន​ព្យួរ​ក​ប្រហារជីវិត​មនុស្ស​ច្រើន​ជា​ប្រទេស​ដទៃទៀត​ក្នុង​មួយឆ្នាំៗ​លើកលែង​ប្រទេស​ចិន

 
អ្នកទោស​ស្លាប់​ម្នាក់​ក្នុងប្រទេស​អ៊ីរ៉ង់​នឹងត្រូវ​ព្យួរ​ក​ជា​លើក​ទី​ពីរ នៅពេលដែល​អ្នកទោស​រូប​នេះ "​ជា​ស្រួលបួល​ម្តងទៀត​" បន្ទាប់ពី​អ្នកទោស​អ៊ីរ៉ង់​ម្នាក់នេះ​នៅមាន​ជីវិត​ពី​ការកាត់ទោស​ព្យួរ​ក​លើកទីមួយ​។​

​ឧក្រិដ្ឋជន​វ័យ ៣៧ ឆ្នាំឈ្មោះ Alireza M ត្រូវបាន "​ប្រហារជីវិត​ដោយ​ព្យួរ​ក​" នៅ​គុក Bojnourd នៃ​របប​ដឹកនាំ​អ៊ីស្លាម​កាលពី​ថ្ងៃ​ពុធ​ពីបទ​ជួញដូរ​គ្រឿងញៀន​។

​បន្ទាប់ពី​រយៈពេល ១២ នាទី បុរស​រូបនេះ​ត្រូវបាន​បញ្ជាក់ថា​ស្លាប់ និង ត្រូវបាន​យកទៅ​កន្លែង​ដាក់​សាកសព​។ ប៉ុន្តែ​នៅពេល​គ្រួសារ​របស់​អ្នកទោស​រូបនេះ​បានមក​យក​សព​លោ​កនៅ​ថ្ងៃ​បន្ទាប់ ពួកគេ​បាន​កត់សម្គាល់ឃើញ​លោក​នៅមាន​ដង្ហើម និង បាន​ប្រញាប់ប្រញាល់​នាំ​លោក​ទៅ​មន្ទីរពេទ្យ​។

អ៊ីរ៉ង់​មាន​អត្រា​ប្រហារជីវិត​ខ្ពស់បំផុត​ក្នុង​មនុស្ស​ម្នាក់ៗ និង​បាន​ព្យួរ​ក​ប្រហារជីវិត​មនុស្ស​ច្រើន​ជា​ប្រទេស​ដទៃទៀត​ក្នុង​ មួយឆ្នាំៗ​លើកលែង​ប្រទេស​ចិន

​សមាជិកគ្រួសារ​ម្នាក់​បាន​ប្រាប់​ប្រព័ន្ធ​ផ្សព្វផ្សាយ​រដ្ឋ​របស់​អ៊ីរ៉ង់​ថា "​នៅពេល​យើង​ត្រូវបាន​ប្រាប់​មក​ថា ការកាត់ទោស​ប្រហារជីវិត​ត្រូវបាន​អនុវត្ត​រួចហើយ យើង​ក៏​ទៅយក​សាកសព​របស់គាត់​ដើម្បី​ត្រៀម​ធ្វើបុណ្យ​។ ប៉ុន្តែ​នៅពេល​យើង​បាន​ទៅដល់​ការិយាល័យ​របស់​អ្នកធ្វើ​សព​វិភាគ យើង​បានឃើញ​គាត់​រស់​ម្តងទៀត ដែល​ធ្វើ​ឲ្យ​កូនស្រី​ពីរ​នាក់​របស់គាត់​សប្បាយចិត្ត​ជាខ្លាំង​"​។​

​នៅពេល​ក​ក្រុមមន្ត្រី​ត្រូវបាន​គេ​ប្រាប់ថា ឈ្មោះ Alireza M នៅមាន​ជីវិត ពួគគេ​ក៏​ដាក់​គាត់​ឲ្យ​ស្ថិតក្រោម​ការឃ្លាំមើល​រប​ស់​ឆ្មាំ​ប្រដាប់អាវុធ​នៅ​មន្ទីរពេទ្យ​ដើម្បី​រង់ចាំ​ការកាត់ទោស​ប្រហារជីវិត​ជា​លើក​ទី​ពីរ​"​។

​អ៊ីរ៉ង់​បាន​កាត់ទោស​ប្រហារជីវិត​អ្នកទោស ៥៦០ នាក់​ក្នុងឆ្នាំនេះ ក្នុងនោះ​អ្នកទោស​ប្រហែល ២០០ នាក់ ត្រូវបាន​ព្យួរ​ក​ចាប់តាំងពី​លោក​ប្រធានាធិបតីនិយម​កណ្តាល ហាស​សាន រូ​ហា​នី បាន​ឡើងមក​កាន់អំណាច​ក្នុង​ខែមិថុនា​។

​លោក​រូ​ហា​នី​បាន​ប្តេជ្ញា​បញ្ចប់​ការគាបសង្កត់​នៃ​របប​ដឹកនាំ​មុន ប៉ុន្តែ​ក្រុម​សិទ្ធិមនុស្ស​បាន​និយាយថា ការកាត់ទោស​ប្រហារជីវិត​ពិតជា​បាន​កើនឡើង​ច្រើន​ក្រោម​ការដឹកនាំ​របស់លោក​។ អ៊ីរ៉ង់​មាន​អត្រា​ប្រហារជីវិត​ខ្ពស់បំផុត​ក្នុង​មនុស្ស​ម្នាក់ៗ និង​បាន​ព្យួរ​ក​ប្រហារជីវិត​មនុស្ស​ច្រើន​ជា​ប្រទេស​ដទៃទៀត​ក្នុង​មួយឆ្នាំៗ​លើកលែង​ប្រទេស​ចិន​៕

ដំណឹងអន្តរជាតិផ្សេងទៀត

មនុស្ស​ចាស់​ជាងគេ​បំផុត​របស់​ពិភពលោក​ប្រារព្ធ​ខួប​គំរប់ ១១៧ ឆ្នាំ​ក្នុងប្រទេស​ជប៉ុន​ (ថ្ងៃទី 5 មីនា 2015)

អគ្គរដ្ឋទូត​ប្រចាំ​កូរ៉េខាងត្បូង​រងរបួស​ដោយសារ​បុរស​ម្នាក់​យក​ឡា​ម​ឈូ​ត​មុខ​ (ថ្ងៃទី 5 មីនា 2015)

នាយករដ្ឋមន្ត្រី​អ៊ីស្រាអែល​ព្រមាន​អាមេរិក​ថា​ប្រយ័ត្ន​កិច្ចព្រមព្រៀង​ជាមួយ​អ៊ីរ៉ង់​ជួយ​ត្រួស​ត្រាយផ្លូវ​ឲ្យ​អ៊ីរ៉ង់​ផលិត​គ្រាប់បែកនុយក្លេអ៊ែរ​ (ថ្ងៃទី 4 មីនា 2015)

លោក​ប៊ី​ល ហ្គេ​ត​ត្រូវបាន​ប្រកាស​ជា​អ្នកមាន​បំផុត​របស់​ពិភពលោក​ជាថ្មី​ម្តងទៀត​ (ថ្ងៃទី 3 មីនា 2015)

កូរ៉េខាងជើង​ព្រមាន​ចាត់វិធានការ ចំពោះ​សមយុទ្ធ​យោធា​រួមគ្នា​រវាង​អាមេរិក និង​កូរ៉េ​ង​ខាងត្បូង​ (ថ្ងៃទី 2 មីនា 2015)

ក្រុម​អ៊ីស្លាម​ជ្រុលនិយម​បានសំលាប់​បុរស​ស្រលាញ់​ភេទ​ដូចគ្នា​ម្នាក់ទៀត ដោយ​ចាប់​ទម្លាក់​ពី​អាគារ​ (ថ្ងៃទី 28 កុម្ភៈ 2015)

អ្នកនយោបាយ​បក្សប្រឆាំង​រុស្សី​ម្នាក់​ត្រូវបាន​បាញ់សំលាប់​នៅ​កណ្តាល​ក្រុង​ (ថ្ងៃទី 28 កុម្ភៈ 2015)

បារាំង​ចាប់​អ្នកកាសែត Al-Jazeera បីនាក់​ពីបទ​បង្ហោះ​យន្តហោះ​បញ្ជា "Drone" ក្នុង​ទីក្រុង​ប៉ារីស​ (ថ្ងៃទី 26 កុម្ភៈ 2015)

មនុស្ស ៤៨ នាក់​ស្លាប់​បន្ទាប់ពី​នាវា​ចម្លង​លិច​ក្នុង​ទន្លេ​មួយ​នៅ​បង់​ក្លា​ដែ​ស​ (ថ្ងៃទី 23 កុម្ភៈ 2015)

ឪពុក​ច្របាច់ក​សម្លាប់​កូនស្រី​តូចៗ​បីនាក់​ព្រោះ​ខ្លាច​ពួកវា​ធំ​ឡើង​អត់លុយ​រៀបការ​ឲ្យ នៅ​ឥណ្ឌា​ (ថ្ងៃទី 19 កុម្ភៈ 2015)