អាប់​ភិស៊ី​តៈ​កុំ​បំភ័យ​តុលាការ​ | CEN: World News
Cen-logo

ដំណឹងក្នុងតំបន់

អាប់​ភិស៊ី​តៈ​កុំ​បំភ័យ​តុលាការ​

ថ្ងៃទី 8 មិថុនា 2012, 01:49:PM

Give our kids a better deal
​ប្រធាន​គណបក្សប្រឆាំង​ថៃ លោក​អាប់​ភិស៊ី​ត វេចា​ជីវ៉ា

 

​ប្រធាន​គណបក្ស​ប្រជាធិបតេយ្យ​ដែល​ជា​បក្សប្រឆាំង​ថៃ លោក​អាប់​ភិស៊ី​ត វេចា​ជីវ៉ា​បាន​និយាយ​កាលពី​ថ្ងៃ​ព្រហស្បតិ៍​ថា​មេដឹកនាំ​អាវ​​ក្រហម​ឈ្មោះ​វី​រ៉ា​កាន់ មូ​សិកកា​ពង់ មិន​គួរ​និយាយ​ជា​សាធារណៈ​ក្នុង​របៀប​ដែល​អាច​ត្រូវ​គេ​បកស្រាយ​ថា​ជា​ការព្យាយាម​បំភិតបំភ័យ​​តុលាការ​ធម្មនុញ្ញ​នោះទេ​។​

​វី​រ៉ា​កាន បាន​និយាយ​កាលពី​ថ្ងៃ​ពុធ​ថា​ប្រសិនបើ​ពង្រាង​ច្បាប់​វិសោធនកម្ម​ដែល​ត្រូវ​ពិភាក្សា​ក្នុង​សភា​ត្រូវបាន​រារាំង​អាច​មាន​សង្គ្រាម​ស៊ីវិល​​ដែល​អាច​នាំ​ដល់​អំពើហិង្សា​ជាង​ស្ថានភាព​ឆ្នាំ​២០១០​។​

​លោក​បាន​និយាយថា​ប្រសិន​បើ​រឿង​នេះ​កើតឡើង តុលាការ​ធម្មនុញ្ញ​នឹង​ត្រូវ​ប្រជាជន​មើលឃើញ​យ៉ាងច្បាស់​ថា​ជា​ការ​ខ្វះ​ភាពត្រឹមត្រូវ​តាម​ផ្លូវច្បាប់​។​តុលាការ​ធម្មនុញ្ញ​ដែល​បាន​បញ្ជា​អោយ​សភា​ផ្អាក​ការពិភាក្សា​របៀប​រាវៈ​ទី​៣​នៃ​ពង្រាងច្បាប់​នេះ បាន​សន្និដ្ឋាន​បែប​ស្រ​ម៉ៃ​ថា​ការធ្វើ​វិសោធនកម្ម​នេះ​មាន​បំណង​លុបចោល​​របបរាជានិយម​អាស្រ័យ​ធម្មនុញ្ញ ទោះជា​មាន​ការធានា​ជា​មុន​ថា​ការផ្លាស់ប្តូរ​នេះ​នឹង​មិន​ប៉ះពាល់​របប​រាជានិយ​មក្តី​។​

​តែ​លោក​អាប់​ភិស៊ី​ត ក្នុង​ការផ្តល់​សម្ភាសន៍​តាម​ទូរស័ព្ទ បាន​និយាយ​ថា​សម្តី​របស់​វី​រ៉ា​កាន់​អាច​ត្រូវបាន​គេ​មើលឃើញថា​ជា​ការព្យាយាម​បំ​​ភិត​បំភ័យ​តុលាការ ធ្វើ​ហាក់ដូចជា​ប្រទេស​នេះ​គ្មាន​នីតិរដ្ឋ​។​

​មេ​បក្ស​ប្រឆាំង​រូបនេះ​បាន​ចាប់អារម្មណ៍​ទៀត​ថា​បក្ស​ប្រជាធិបតេយ្យ​របស់​លោក​មិន​មើលឃើញ​បញ្ហា​ទេ​ក្នុង​អំឡុងពេល​ប្រជុំ​រួម​សភា​​និង​ព្រឹទ្ធសភា​នា​ថ្ងៃ​សុក្រ​នេះ ពីព្រោះ​បើ​ពង្រាង​ច្បាប់​ស្តីពី​វិសោធនកម្ម​រដ្ឋធម្មនុញ្ញ​ត្រូវបាន​សភា​អនុម័ត ប្រធាន​សភា​នឹង​ជួប​បញ្ហា​ក្នុង​​ការបញ្ជូន​វា​អោយ​ព្រះមហាក្សត្រ​ចុះហត្ថលេខា​យល់ព្រម​ដោយសារ​ថា​តុលាការ​បាន​បញ្ជា​អោយ​សភា​ពន្យារ​ការលើក​វា​មក​ពិភាក្សា​​និង​អនុម័ត​រួចហើយ​។​

​អាប់​ភិស៊ី​ត​បាន​និយាយទៀតថា​"​ខ្ញុំ​ដឹង​ថា​បុរស​នៅ​បរទេស​ជា​អ្នកបញ្ជា​អោយ​ជំរុញ​ការងារ​ពិភាក្សា​នេះ​។​ឥឡូវ​ចាំ​មើល​ថា​តើ​នាយក​រដ្ឋ​​មន្ត្រី ពួក​សមាជិក​សភា​បក្ស​ភឿ​ថៃ​និង​រដ្ឋាភិបាល​នឹង​ស្តាប់​បញ្ជា​ពី​មនុស្ស​តែ​ម្នាក់​នេះ​ដែរ​ឬទេ​"៕

ដំណឹងក្នុងតំបន់ផ្សេងទៀត

​រញ្ជួយ​ដី​ខ្លាំង​ កម្លាំង​ ៧ ​រិ​ច្ឆ​ទ័​រ វាយប្រហារ​តំបន់​ភាគ​ខាងកើត​ឥណ្ឌូនេស៊ី (ថ្ងៃទី 28 កក្កដា 2015)

អូស្ត្រាលី​ ត្រូវបាន​ជំរុញ​ឲ្យ​បញ្ជាក់​អំពី​ក្រុម​ជនភៀសខ្លួន​វៀតណាម​ (ថ្ងៃទី 27 កក្កដា 2015)

ព្រះ​សង្ឃ​មួយអង្គ ​និង​ទាហាន​ម្នាក់​ ស្លាប់ ហើយ​ ៨​នាក់​ រងរបួស​ក្នុងការ​បំផ្ទុះ​គ្រាប់បែក​នៅ​ភាគខាងត្បូង​ថៃ​ (ថ្ងៃទី 27 កក្កដា 2015)

ថៃ​ចុះហត្ថលេខា​លើ​កិច្ចព្រមព្រៀង​អំពី​កម្លាំង​ពលកម្ម​ជាមួយ​វៀតណាម​ (ថ្ងៃទី 25 កក្កដា 2015)

ប៉ូលីស​តៃវ៉ាន់​ចាប់​អ្នក​តវ៉ា​ចំនួន​៣០​នាក់​ដែល​តវ៉ា​ប្រឆាំង​ការផ្លាស់ប្តូរ​កម្មវិធីសិក្សា​ (ថ្ងៃទី 24 កក្កដា 2015)

អ្នកកាសែត​មី​យ៉ាន់​ម៉ា​២​នាក់ ត្រូវបាន​ពិន័យ​ជា​ប្រាក់​ចំពោះ​ការប្រមាថ ប្រធានាធិបតី ថេ​ន សេន​ (ថ្ងៃទី 22 កក្កដា 2015)

ចិន​ចោទប្រកាន់​ជំនួយការ​កំពូល​របស់​អតីត​ប្រធានាធិបតី ពីបទ​ប្រព្រឹត្ត​អំពើពុករលួយ​ (ថ្ងៃទី 21 កក្កដា 2015)

​អគ្គបញ្ជាការ​កងទ័ព​មី​យ៉ាន់​ម៉ា​ប្តេជ្ញា​គោរព​លទ្ធផល​បោះឆ្នោត​ (ថ្ងៃទី 20 កក្កដា 2015)

សហភាព​អឺរ៉ុប​ប្រាប់​ថៃ​ឲ្យ​មាន​ចំណាត់ការ​បន្ថែមទៀត​លើ​ការនេសាទ​ខុសច្បាប់​ (ថ្ងៃទី 18 កក្កដា 2015)

មនុស្ស​៩​នាក់​ស្លាប់​ដោយសារ​រលំ​បាក់​អណ្តូងរ៉ែ​នៅ​ហ្វីលីពីន​ (ថ្ងៃទី 17 កក្កដា 2015)