ព្រមាន​អំពី​សង្គ្រាមស៊ីវិល​បើ​តុលាការ​ប្រឆាំង​ការកែប្រែ​រដ្ឋធម្មនុញ្ញ​ | CEN: World News
Cen-logo

ដំណឹងក្នុងតំបន់

ព្រមាន​អំពី​សង្គ្រាមស៊ីវិល​បើ​តុលាការ​ប្រឆាំង​ការកែប្រែ​រដ្ឋធម្មនុញ្ញ​

ថ្ងៃទី 12 កក្កដា 2012, 09:34:AM

Give our kids a better deal
​កោះ​កែវ​បាន​និយាយ​ថា​ការជួបជុំ​ប្រឆាំង​និង​គាំទ្រ​ចៅក្រម​ដ៏​ធំ​នឹង​កើតមាន​ហើយ​ប៉ូលីស​នឹង​មិន​អាច​គ្រប់​គ្រង​សភាពការណ៍​​បានទេ​

 
សមាជិក​គណបក្ស​ភឿ​ថៃ​និង​ជា​មេដឹកនាំ​ម្នាក់​នៃ​ក្រុម​អាវ​ក្រហម​លោក​កោះ​កែវ ភិ​គុល​ថង​កាលពី​ថ្ងៃ​ពុធ​បាន​ចេញ​ការព្រមាន​​ថា​សង្គ្រាម​ស៊ីវិល​មួយ​នឹង​ផ្ទុះ​ឡើង​បើ​តុលាការ​ធម្មនុញ្ញ​សំរេច​ប្រឆាំង​ការធ្វើ​វិសោធនកម្ម​រដ្ឋធម្មនុញ្ញ​នៅ​ថ្ងៃ​សុក្រ​ស្អែក​នេះ​។​

​តែ​លោក​បាន​សម្តែង​ជំនឿ​ចិត្ត​ថា​តុលាការ​នឹង​មិន​ចេញ​សាលក្រម​ណា​ដែល​ចាត់ទុក​វិសោធនកម្ម​នេះ​ស្មើ​នឹង​ការប៉ុនប៉ង​ផ្តួលរំលំ​ប្រព័ន្ធគ្រប់គ្រង​អំណាច​បច្ចុប្បន្ន​និង​រំលោភ​មាត្រា​ទី​៦៨​នោះទេ​។​

​កោះ​កែវ​បាន​និយាយថា​លោក​រំពឹង​ថា​តុលាការ​នឹង​សំរេច​ថា​វិសោធនកម្ម​នេះ​អាច​ធ្វើបាន​ដោយ​ឈរ​លើ​មូលដ្ឋាន​មួយ​មាត្រា​ម្តងៗ​។​

​លោក​បាន​និយាយទៀតថា​ក្នុងករណី​អាក្រក់​បំផុត តុលាការ​នឹង​សំរេច​ថា​វិសោធនកម្ម​គឺ​ជា​ការប៉ុនប៉ង​ទម្លាក់​របបរាជានិយម​​អាស្រ័យ​ធម្មនុញ្ញ តែបើ​មាន​ករណី​បែប​ហ្នឹង សង្គ្រាម​ស៊ីវិល​មួយ​នឹង​ផ្ទុះ​ឡើង​។​រដ្ឋាភិបាល​នឹង​មិន​ទទួលយក​ការសំរេច​ដូច្នេះ​​ទេ​ហើយ​ពួក​អ្នកគាំទ្រ​រដ្ឋាភិបាល​នឹង​ប្តឹង​ពួក​ចៅក្រម​តុលាការ​ទៅ​ប៉ូលីស​ហើយ​បើ​ប៉ូលីស​មិន​ចាប់ខ្លួន​ពួកគេ​ទេ ប្រជាជន​នឹង​អនុ​​វត្ត​ច្បាប់​ដោយ​ខ្លួនឯង​ដោយ​ធ្វើ​ការចាប់ខ្លួន​ពួក​ចៅក្រម​។​

​មេដឹកនាំ​អាវ​ក្រហម​រូបនេះ​បាន​ប្រមើល​ឃើញថា ពួក​វរជន​នឹង​កេណ្ឌ​អ្នកគាំទ្រ​ការពារ​ពួក​ចៅក្រម​ហើយ​មនុស្ស​នៃ​ភាគី​ទាំង​​សងខាង​នឹង​ប៉ះទង្គិច​គ្នា​រហូត​ដល់​ថ្នាក់​ប៉ូលីស​មិន​អាច​ចូល​ធ្វើ​អន្តរាគមន៍​បាន ដូច្នេះ​យោធា​នឹង​ហក់​ចូល​មក​ធ្វើ​រដ្ឋប្រហារ​​ភ្លាម​។​បន្ទាប់​ពី​រដ្ឋប្រហារ ប្រជាជន​នឹង​ចេញ​មក​ធ្វើ​សង្គ្រាម​ស៊ីវិល​ប្រឆាំង​យោធា​៕

ដំណឹងក្នុងតំបន់ផ្សេងទៀត

អាមេរិក និង​កូរ៉េខាងត្បូង​ចាប់ផ្តើម​ធ្វើ​សម​យុ​ទ្ឋ ទោះបី​កូរ៉េខាងជើង​ខឹង​យ៉ាងណាក៏ដោយ​ (ថ្ងៃទី 22 សីហា 2017)

ម៉ូ​ន ជេ​អ៊ី​ន ព្រមាន​កូរ៉េខាងជើង កុំ​ឲ្យ​យក​សម​យុ​ទ្ឋ​រវាង​អាមេរិក និង​កូរ៉េខាងត្បូង​ធ្វើជា​លេស​បង្ករឿង​ឲ្យ​កាន់តែ​ធំ​ (ថ្ងៃទី 22 សីហា 2017)

​សកម្មជន​ថៃ​ម្នាក់ ត្រូវ​កាត់ទោស​ឲ្យ​ជាប់គុក​ជិត ៣​ឆ្នាំ ដោយ​គ្រាន់តែ​ចែកចាយ​បន្ត​ប្រវត្តិ​របស់​ស្តេច​ថៃ នៅលើ​ហ្វេ​ស​ប៊ុ​ក​ (ថ្ងៃទី 16 សីហា 2017)

​រកឃើញ​ផ្នូរ​បុរាណ ៣ អាយុកាល ២០០០​ឆ្នាំ នៅ​អេ​ហ្សី​ប​ (ថ្ងៃទី 16 សីហា 2017)

​ប្រធានាធិបតី​កូរ៉េខាងត្បូង ថា​នឹង​មិនមាន​វិធានការ​យោធា ណាមួយ នៅ​ឧបទ្វីប​កូរ៉េ​នោះទេ (ថ្ងៃទី 15 សីហា 2017)

​កូរ៉េខាងត្បូង​៖ កូរ៉េខាងជើង ត្រូវការ​ពេល​យូរ​ទៀត ដើម្បី​សម្រេច​បច្ចេកវិទ្យា បំពាក់​នុយក្លេអ៊ែរ លើ​មី​ស៊ី​ល​ (ថ្ងៃទី 14 សីហា 2017)

​វាយប្រហារ​ភេរវកម្ម នៅ​ភោ​ជនី​ដ្ឋា​ន​មួយ ក្នុងប្រទេស​បូ​គី​ណា ហ្វា​ស សម្លាប់​មនុស្ស​ជិត ២០​នាក់​ (ថ្ងៃទី 14 សីហា 2017)

​ស្ត្រី​ជនជាតិ​ថៃ​ម្នាក់ ទើបតែ​រៀន​ចប់​ថ្នាក់ បរិញ្ញាបត្រ​នៅ​អាយុ ៩១​ឆ្នាំ​ (ថ្ងៃទី 10 សីហា 2017)

កូរ៉េខាងជើង ដោះលែង​បុព្វ​ជិត​សាសនា កាណាដា​ម្នាក់ ដែល​ជាប់ទោស​មួយជីវិត​ (ថ្ងៃទី 10 សីហា 2017)

​កូរ៉េខាងជើង ព្រមាន​វាយប្រហារ មូលដ្ឋាន​យន្តហោះ ទម្លាក់​គ្រាប់បែក​អាមេរិក នៅលើ​កោះ Guam (ថ្ងៃទី 9 សីហា 2017)