លីន​សេ ឡូ​ហាន​ចេញ​ពី​មន្ទីរពេទ្យ​បន្ទាប់ពី​មាន​គ្រោះថ្នាក់​រថយន្ត​ | CEN: World News
Cen-logo

ដំណឹងកម្សាន្ត/ សិល្បៈ

លីន​សេ ឡូ​ហាន​ចេញ​ពី​មន្ទីរពេទ្យ​បន្ទាប់ពី​មាន​គ្រោះថ្នាក់​រថយន្ត​

ថ្ងៃទី 9 មិថុនា 2012, 09:37:AM

Give our kids a better deal
​រថយន្ត​Porsche ដែល​ជួល​គេ​ជិះ​ត្រូវ​ឡូ​ហាន​បើ​កបំ​បុក​ខ្ទេច​ខាង​មុខ​តែ​សំណាង​មនុស្ស​ក្នុងរ​ថយន្ត​អត់​អី​

 

​តារាភាពយន្ត​ដ៏​សំបូរ​បញ្ហា​របស់​អាមេរិក​នាង លីន​សេ ឡូ​ហាន ត្រូវបាន​គេ​រាយការណ៍​ថា​បាន​ចេញ​ពី​មន្ទីរពេទ្យ​ក្រុង​ឡូ​ស អ៊ែន​ជើ​ឡេស​ហើយ​បន្ទាប់ពី​ជួប​គ្រោះថ្នាក់​រថយន្ត​ដ៏​អាក្រក់​មួយ​ហើយ​នាង​បាន​​​វិល​ទៅ​ធ្វើការ​វិញ​។​

​របាយការណ៍​វេបសាយ​TMZ​បាន​និយាយថា​រថយន្ត​ទំនើប​ម៉ាក​Porsche ដែល​នាង​ជួល​គេ​ជិះ​បាន​បើក​បាន​បុក​រថយន្ត​កង់​១៨​មួយ​គ្រឿង​នៅ​លើ​ផ្លូវ​ហាយវេ​មួយ​​កាលពី​ថ្ងៃ​សុក្រ​។​រថយន្ត​ពណ៌​ខ្មៅ​នេះ​បាន​រួញ​កាបូ​មុខ​និង​បែក​ខ្ទេចខ្ទីរ​ផ្នែក​ខាង​មុខតែ​នាង​របួស​តិចតួច​ប៉ុណ្ណោះ​។​

​រថយន្ត​ពេទ្យ​ត្រូវបាន​គេ​ហៅ​មក​កាន់​កន្លែងកើតហេតុ​តែ​នាង​ត្រូវ​គេ​និយាយថា​បាន​ទៅ​កាន់​មន្ទីរពេទ្យ​ដោយ​មធ្យោបាយ​ផ្សេង​។​

​រូបភាព​បង្ហាញ​រថយន្ត​រួញ​ផ្នែក​ខាង​មុខ​និង​TMZ​បាន​និយាយថា​នាង​លីន​សេ​រង​របួសស្រាល​តែ​មាន​ចេញឈាម​។​ជំនួយការ​ម្នាក់​ក៏បាន​ស្ថិតនៅ​ក្នុង​រថយន្ត​ដែរ​ក្នុង​ពេល​កើតហេតុ​។​

​ប៉ូលីស​បាន​និយាយថា​មិន​មាន​សញ្ញា​ដែលថា​នាង​ឡូ​ហាន​បាន​ស្ថិត​ក្រោម​ឥទ្ធិពល​ស្រវឹង​ឬ​ថ្នាំ​ញៀន​ទេ​ក្នុងពេល​បើក​បរជួប​ឧបទ្ទវហេតុ​​នេះ ដោយ​មិន​ដូច​កាលពី​ឆ្នាំ​២០០៧​នៅពេល​នាង​ត្រូវបាន​ចោទប្រកាន់ថា​បាន​បើកបរ​ក្នុង​ពេល​ផឹក​ស្រវឹង​និង​ថែម​ទាំង​ត្រូវបាន​គេ​ធ្វើ​​តេ​ស្តិ៍​រក​ឃើញ​ជាតិ​ថ្នាំញៀន​កូកាអ៊ីន​ទៀតផង​។​

​អ្នកនាំពាក្យ​ម្នាក់​របស់​នាង​បាន​និយាយ​ថា​តារា​វ័យ​២៦​ឆ្នាំ​នេះ​បាន​កំពុង​ធ្វើដំណើរ​ទៅ​ថត​ភាពយន្ត​នៅពេល​មាន​គ្រោះថ្នាក់​និង​នាង​ត្រូវបាន​បញ្ជូន​ទៅ​មន្ទីរពេទ្យ​"​គ្រាន់តែ​ជា​ការបង្ការ​"​តែ​បាន​ចេញ​វិញ​បន្ទាប់ពី​បាន​នៅក្នុង​បន្ទប់សង្គ្រោះបន្ទាន់​អស់​ជាង​ពីរ​ម៉ោង​និង​នាង​មាន​សុខភាព​ល្អ​ទេ​។​

​បន្ទាប់ពី​ចេញពី​មន្ទីរពេទ្យ នាង​បាន​ធ្វើដំណើរ​ទៅ​កន្លែង​ថត​ភាពយន្ត​ចុងក្រោយ​របស់​នាង ជា​ភាពយន្ត​បញ្ចាំង​តាម​ទូរទស្សន៍​ដែល​និយាយ​អំពី​ជីវិត​នាង​អេ​លីហ្សា​បេ​ត ថៃល័​រ​និង​ស្នេហា​ដូច​រន្ទះ​របស់​នាង​ជាមួយ​សិល្បៈករ​រី​ឆាត​​ប៊ឺ​ថុន​៕

ដំណឹងកម្សាន្ត/ សិល្បៈផ្សេងទៀត

Song Hye Kyo ត្រូវ​រង​ការរិះគន់ ក្រោយពេល​ទិញ​ភូមិគ្រឹះ តម្លៃ 7.4 លាន​ដុល្លារ​ (ថ្ងៃទី 11 កុម្ភៈ 2016)

បវរ​កញ្ញាឯក​ពិភពលោក សារភាពថា បាន​និយាយ​កុហក​ (ថ្ងៃទី 10 កុម្ភៈ 2016)

Mr. Bean និង​មិត្តស្រី​អាយុ​តិចជាង 28​ឆ្នាំ បាន​រើ​មក​រស់នៅ​ជាមួយគ្នា​ (ថ្ងៃទី 9 កុម្ភៈ 2016)

​ក្រុមហ៊ុន ផលិត​ភាពយន្ត​រុស្ស៊ី​ចង់​អញ្ជើញ ឡេ​អូណា​ដូ ដើរតួ​ឡេ​នី​ន​ (ថ្ងៃទី 6 កុម្ភៈ 2016)

George Clooney លុត​ជង្គង់កន្លះ​ម៉ោង​ដើម្បី​សុំ​រៀបការ​ (ថ្ងៃទី 6 កុម្ភៈ 2016)

កំពូល​តារា​ហូលីវូត​ល្បី អ្នកនាង អេន​ជេ​លីណា ជូ​លី ជា​អ្នក​កាន់​ព្រះពុទ្ធសាសនា​ (ថ្ងៃទី 2 កុម្ភៈ 2016)

​នាង Beyonce និង​លោក Jay Z អាច​ឈាន​ដល់​ដំណាក់កាល​លែងលះ​គ្នា​បន្ទាប់​ពី​ពរ​ពោះ​កូន​ទី 2? (ថ្ងៃទី 25 មករា 2016)

ស្ថានភាពទុក្ខសោកជាទីបំផុត ក្រោយពីការស្លាប់ របស់តារាភាពយន្តលោក ប៉រ ត្រីស:ឌី (ថ្ងៃទី 19 មករា 2016)

ពិធី​បុណ្យសព ប្តី​របស់ Celine Dion បាន​ត្រូវ​បាន​ប្រារព្ធ​ឡើង​នៅក្នុង​សាសនា​ចក្រ​ជា​កន្លែង​ដែល​លោក​បាន​រៀបការ​ជាមួយ '​ស្នេហា​បំផុត​នៃ​ជីវិត​របស់​ទ្រង់ " (ថ្ងៃទី 16 មករា 2016)

ក្រឡេកទៅមើលសម្រស់ Miss Tiffany Universe ភេទ​ទី​៣ ឆ្នាំ​2016 របស់​ថៃ ធានា​ថា​ស្រស់​ស្អាត មិន​ចាញ់​ស្រី​ពិត​នោះទេ​ (ថ្ងៃទី 16 មករា 2016)