លីន​សេ ឡូ​ហាន ត្រូវបាន​ប្រទះឃើញ​សន្លប់​នៅក្នុង​សណ្ឋាគារ​ | CEN: World News
Cen-logo

ដំណឹងកម្សាន្ត/ សិល្បៈ

លីន​សេ ឡូ​ហាន ត្រូវបាន​ប្រទះឃើញ​សន្លប់​នៅក្នុង​សណ្ឋាគារ​

ថ្ងៃទី 16 មិថុនា 2012, 09:35:AM

Give our kids a better deal
​បុគ្គលិក​ពេទ្យ​បាន​ប្រញាប់ប្រញាល់​ទៅ​បន្ទប់​សណ្ឋាគារ​ដើម្បី​ព្យាបាល​ការ​ហត់​ហេវ​និង​ខ្សោះ​ជាតិ​ទឹក តែ​អ្នកនាំពាក្យ​របស់​នាង​​និយាយថា​នាង​មិន​អី​ទេ​

 

​សារព័ត៌មាន​ក្នុងស្រុក​បាន​រាយការណ៍​ថា រថយន្ត​ពេទ្យ​សង្គ្រោះបន្ទាន់​ត្រូវបាន​ហៅ បន្ទាប់ពី​នាង លីន​សេ ឡូ​ហាន ត្រូវបាន​ប្រទះឃើញ​សន្លប់​នៅក្នុង​សណ្ឋាគារ​មួយ ក្បែរ​ទីក្រុង​ឡូ​ស អ៊ែន​ជេ​ឡេស កាលពី​ថ្ងៃ​សុក្រ ប៉ុន្តែ​ផ្នែក​សេវា​សង្គ្រោះបន្ទាន់​បាន​និយាយថា នាង​មិន​ត្រូវបាន​នាំ​ទៅកាន់​មន្ទីរពេទ្យ​នោះទេ​។​

​នាយកដ្ឋាន​អគ្គិភ័យ​ទីក្រុង​ឡូ​ស អ៊ែន​ជេ​ឡេស  បាន​និយាយថា ក្រុម​ពេទ្យ​សង្គ្រោះបន្ទាន់​ត្រូវបាន​ហៅ​មក​កាន់​សណ្ឋាគារ Ritz-Carlton នៅក្នុង​តំបន់​មាត់សមុទ្រ Marina del Rey នា​ពេល​ព្រឹក បន្ទាប់ពី​មាន​ការហៅ​ទូរ​សព្ទ​ផ្តល់ដំណឹង​ស្តី​អំពី​មនុស្ស​សន្លប់​ម្នាក់ ប៉ុន្តែ​មិន​បាន​បញ្ជាក់ថា ជា​នាង ឡូ​ហាន នោះទេ​។​

​សាខា​ទូរទស្សន៍​ថ្នាក់​តំបន់ KABC របស់​ទូរទស្សន៍ ABC បាន​រាយការណ៍​ថា នាង ឡូ​ហាន ដែល​កាលពី​ពេល​ថ្មីៗ​នេះ កំពុង​ថត​ភាពយន្ត​ទូរទស្សន៍​មួយ និយាយ​អំពី​ទំនាក់ទំនង​ស្នេហា​ដែល​មាន​ការឈ្លោះប្រកែក​គ្នា ត្រូវបាន​ប្រទះឃើញ​ស្ថិតនៅ​ក្នុង​បន្ទប់​ល្វែង​ជាន់​លើ​នៃ​សណ្ឋាគារ​នេះ​។​

​សាខា​ទូរទស្សន៍​នេះ​បាន​និយាយថា នាង​ត្រូវបាន​នាំ​ទៅកាន់​មន្ទីរពេទ្យ ប៉ុន្តែ​នាយកដ្ឋាន​អគ្គិភ័យ​មិន​អាច​បញ្ជាក់​អំពី​របាយ​ការណ៍​នេះ​ទេ​។​

​ស្របគ្នា​នេះដែរ វេបសាយ​ព័ត៌មាន​សម្រា​ប់តា​រាល្បី TMZ បាន​រាយការណ៍​ថា នាង ឡូ​ហាន បាន​នឹង​កំពុង​បំពេញ​ការងារ​រយៈពេល​ពីរ​ថ្ងៃ​ឥត​សម្រាក ដែល​រួម​មាន​ការថត​ឈុត​នៃ​ភាពយន្ត​ក្បែរ​សណ្ឋាគារ​នេះ​។​

​វេបសាយ TMZ បាន​រាយការណ៍​ថា នាង​ត្រូវបាន​គេ​ប្រទះឃើញ​គ្មាន​កម្រើក​សោះ​។ ក្រុម​ពេទ្យ​សង្គ្រោះ​បាន​ចាប់ផ្តើម​ព្យាបាល​នាង ហើយ​បាន​កំណត់​ថា គ្មាន​អ្វី​ធ្ងន់ធ្ងរ​បាន​កើតឡើង​ចំពោះ​នាង លីន​សេ ឡូ​ហាន នោះទេ​។​

​កាលពី​សប្តាហ៍​មុន តារា​សម្តែង​វ័យ​២៥​ឆ្នាំ​រូប​នេះ បាន​ចំណាយ​ពេល​ពីរ​ម៉ោង​ទទួល​ការ​ធ្វើ​តេស្ត៍​នៅក្នុង​មន្ទីរពេទ្យ បន្ទាប់​ពី​គ្រោះថ្នាក់​រថយន្ត​ដែល​តាម​សេចក្តីរាយការណ៍ នាង​បាន​នឹង​កំពុង​បើក​ទៅ​បុក​នឹង​រថយន្ត​កង់​១៨​ធំ​មួយ នៅលើ​ផ្លូវ​ហាយវ៉េ Pacific Coast ភាគ​ខាងលិច នៃ​ទីក្រុង​ឡូ​ស អ៊ែន​ជេ​ឡេស​៕

ដំណឹងកម្សាន្ត/ សិល្បៈផ្សេងទៀត

លោក Kennedy Tim ទាហាន​ពិសេស​មួក​បៃតង ត្រូវ​ជ្រើសរើស​ជា Brand Ambassador នៃ​ម៉ាក 5.11 Tactical ជា​ផ្លូវការ (ថ្ងៃទី 14 កក្កដា 2017)

ខ្សែភាពយន្ត​ទាំង ៥ ដែល​កំពុង​និយម​ក្នុង​សប្តាហ៍​នេះ​ (ថ្ងៃទី 7 កក្កដា 2017)

ភាពយន្ត​១៥​រឿង​របស់​Hollywood​ដែល​រកចំណូលបាន​ច្រើន​បំផុត​ត្រឹម​១​សប្តាហ៍​ដំបូង​ (ថ្ងៃទី 22 មេសា 2017)

តារា​ស្រី​Rachel True​មាន​វ័យ៥០​ឆ្នាំ​ហើយ ​ប៉ុន្តែ​សម្រស់​វិញ​គឺ​ពិតជា​ស្រស់​ ​ស្អាត​មែនទែន​ (ថ្ងៃទី 21 មេសា 2017)

នាង Christina El Moussa​ត្រូវគេ​ប្រទះឃើញ​នាង​ស្លៀក​ឈុត​ប៊ី​គី​នី​នៅ​ឆ្នេរសមុទ្រ​ក្នុង​រដ្ឋ​ហា​វ៉ៃ (ថ្ងៃទី 20 មេសា 2017)

ព័ត៌មាន​មួយ​បាន​ឲ្យ​ដឹងថា​La La និង Caromelo Anthony​បាន​បែកបាក់​គ្នា​ហើយ​ (ថ្ងៃទី 20 មេសា 2017)

Beyonce​បាន​បង្ហោះ​វី​ឌី​អូ​ពី​សកម្មភាព​ក្នុង​គ្រួសារ​របស់​នាង​ដែល​មើលទៅ​គឺ​ពិតជា​ ​មាន​សុភមង្គល​ខ្លាំង​មែនទែន​ (ថ្ងៃទី 6 មេសា 2017)

Beyonce និង​Jay Z​បាន​ច្រៀង​ចម្រៀង​ពី​ប្រវត្តិ​ស្នេហា​របស់​ពួកគេ​ក្នុង​ថ្ងៃ​ខួបអាពាហ៍ពិពាហ៍​ (ថ្ងៃទី 5 មេសា 2017)

Jennifer Lopez​កាន់​ដៃ​បណ្តើរគ្នា​ដើរលេង​នៅក្នុង​ទីក្រុង​ជាមួយនឹង​មិត្ត​ប្រុស​ Alex Rodriguez និង​ម្តាយ​របស់​នាង​ (ថ្ងៃទី 4 មេសា 2017)

លោកស្រី​ Anna Wintour ​ទើបតែ​ទទួលបាន​ចៅស្រី​ដ៏​គួរ​ឲ្យ​ស្រលាញ់​ម្នាក់​ (ថ្ងៃទី 3 មេសា 2017)