ផ្កាយព្រះគ្រោះ​ទម្ងន់ ១៤​ម៉ឺន​តោន​អាច​នឹងធ្វើ​ដំណើរ​កៀក​នឹង​ផែនដី​ក្នុង​ខែកុម្ភៈ​ខាងមុខ និង​អាច​បំផ្លាញ​ផ្កាយរណប​ជាច្រើន | CEN: World News
Cen-logo

បច្ចេកវិទ្យា/វិទ្យាសាស្ត្រ

ផ្កាយព្រះគ្រោះ​ទម្ងន់ ១៤​ម៉ឺន​តោន​អាច​នឹងធ្វើ​ដំណើរ​កៀក​នឹង​ផែនដី​ក្នុង​ខែកុម្ភៈ​ខាងមុខ និង​អាច​បំផ្លាញ​ផ្កាយរណប​ជាច្រើន

ថ្ងៃទី 21 ឧសភា 2012, 10:11:AM

Give our kids a better deal
​រូបភាព​បង្ហាញ​ពី​ផ្កាយព្រះគ្រោះ 2012 DA14 រំកិល​ចូល​គន្លង​របស់​ផ្កាយរណប​ទូរគមនាគមន៍

Give our kids a better deal
​អ្នកវិទ្យាសាស្ត្រ​មិន​រំពឹងថា​ផ្កាយព្រះគ្រោះ 2012 DA14 នឹង​បុក​ផែនដី​ក្នុង​ឆ្នាំ​២០១៣​នោះទេ​ប៉ុន្តែ​វា​អាច​បុក​ពិតមែន​នៅ​ឆ្នាំ ២០២០

Give our kids a better deal
​ផ្កាយរណប​វិលជុំ​វិញ​ផែនដី​គឺជា​គោលដៅ​រង​ការបុក​ទង្គិច​របស់​ផ្កាយព្រះគ្រោះ 2012 DA14 ក្នុង​ខែកុម្ភៈ​

Give our kids a better deal
​ផែនដី​រងគ្រោះ​ធ្ងន់ធ្ងរ​ប្រសិនបើ​ផ្កាយព្រះគ្រោះ​នេះ​បុក​ផែនដី​នៅ​ឆ្នាំ ២០២០

Give our kids a better deal
​ព្រៃ​នៅ​ទន្លេ Tunguska ត្រូវ​ឆេះ​រាប​ដល់​ដី​អស់​ប្រវែង​រាប់រយ​គីឡូម៉ែត្រ​ការ៉េ​កាលពី​ឆ្នាំ ១៩០៨

 
ផ្កាយព្រះគ្រោះ​ទំហំ ៤៥,៧២ ម៉ែត្រ​ដែល​ទើប​រកឃើញ​ថ្មី​អាច​នឹង​មក​កៀក​នឹង​ផែនដី​នៅ​ខែកុម្ភៈ​ខាងមុខ​ដូចនេះ​វា​អាច​នឹង​បុក​ផ្កាយរណប​គមនាគមន៍​ជាច្រើន ។ ដោយ​ត្រូវបាន​រកឃើញ​ដោយ​ក្រុម​តារាវិទូ​នៅ​មជ្ឈមណ្ឌល LaSagra Observatory ក្នុងប្រទេស​អេ​ស្ប៉ា​ញ ផ្កាយព្រះគ្រោះ​ឈ្មោះថា 2012 DA14 ត្រូវបាន​គេ​ព្យាករណ៍​ឃើញថា​នឹង​ផ្លាស់ប្តូរ​ទិសដៅ​មក​កៀក​នឹង​ផែនដី​ដែល​ធ្វើ​ឲ្យ​រំខាន​ដល់​ផ្កាយរណប​នានា​ដែល​វិល​ជុំវិញ​ផែនដី​នៅ​ថ្ងៃទី ១៥ កុម្ភៈ ២០១៣ ។​

​ចំណែកឯ​អង្គការ​អវកាស​អាមេរិក ណា​សា វិញ​បាន​និយាយថា ឱកាស​ដែល​ផ្កាយព្រះគ្រោះ​នេះ​បុក​ទង្គិច​នឹង​ផែនដី​មាន ០,០៣១ ភាគរយ ហើយ​ប្រសិនបើ​វា​បុក​មែន វា​នឹង​បុក​ក្នុង​កម្លាំង ២,៤ មេ​ហ្គា​តុង ស្រដៀង​នឹង​ព្រឹត្តិការណ៍​ដ៏​អា​ថ៍​កម្បាំង​នៅក្បែរ​ទន្លេ Tunguska ប្រទេស​រុស្ស៊ី​ក្នុង​ឆ្នាំ ១៩០៨ ដែល​ធ្វើ​ឲ្យ​ព្រៃ​នៅ​តំបន់​ស៊ី​បេ​រី​រាបស្មើ​អស់​ប្រវែង​រាប់រយ​គីឡូម៉ែត្រ​ការ៉េ ។ 

​នៅ​ខណៈ​ពេលនេះ ផ្លូវ​គោចរ​ពិតប្រាកដ​របស់​ផ្កាយព្រះគ្រោះ​នេះ​ត្រូវបាន​កំណត់ដោយ​ណា​សា​រួចហើយ ហើយ​ក្រុម​តារាវិទូ​កំពុងតែ​តាមដាន​យ៉ាង​ប្រុងប្រយ័ត្ន​បង្ការ​ក្នុងករណី​ដែល​វា​ពិតជា​មក​កៀក​នឹង​ផ្កាយរណប​មែន ។ 

​លោក ផូ​ល កូ​ដាស មកពី​មជ្ឈមណ្ឌល Jet Propulsion Laboratory (JPL) របស់​ណា​សា​នៅក្នុង​ទីក្រុង Pasadena នៃ​រដ្ឋ​កាលីហ្វ័រ​ញ៉ា បាន​និយាយថា "​វា​ទំនងជា​មិនអាច​កើតឡើង​នោះទេ ប៉ុន្តែ​យើង​ក៏​មិនអាច​ច្រានចោល​លទ្ធភាព​បុក​ទង្គិច​រប​ស់វា​នោះដែរ​" ។​

​បើទោះបីជា​បច្ចុប្បន្ននេះ​ផ្កាយព្រះគ្រោះ​នេះ​គឺ​មើលទៅ​ដូចជា​ស្នាម​ចុច​មួយ​ដ៏​តូច​ដូចដែល​គេ​មើលឃើញ​ក្នុង​កែវ​យឺត​ក៏ដោយ ក៏​ទីបំផុត​ផ្កាយព្រះគ្រោះ 2012 DA14 នេះ​ប្រហែលជា​ឆ្លងកាត់​ឆ្ងាយ​ពី​ផែនដី​ក្នុង​រយៈ​ចម្ងាយ ៣៣.៧៩៦ គីឡូម៉ែត្រ​ដោយ​ធ្វើ​ឲ្យ​ផ្កាយរណប​វិលជុំ​វិញ​ផែនដី​ស្ថិតក្នុង​ភាពគ្រោះថ្នាក់ ។​

​លោ​កកូ​ដាស និយាយថា "​គន្លង​សម្រាប់​ផ្កាយព្រះគ្រោះ 2012 DA14 នេះ​បច្ចុប្បន្ន​គឺ​មើលទៅ​ដូចនឹង​ផែនដី​ណាស់ មានន័យថា​វា​នឹងធ្វើ​ដំណើរ​មក​កៀក​នឹង​ផែនដី​តាម​គន្លង​ធម្មតា​របស់​វា​" ។ ក្នុង​រយៈពេល​ប៉ុន្មាន​ខែ​ខាងមុខ​រហូតដល់​ខែកុម្ភៈ អង្គការ​អវកាស​ណា​សា​នឹង​ព្យាយាម​បង្កើត​រូបភាព​ពេញលេញ​នៃ​ទីតាំង​របស់​ផ្កាយព្រះគ្រោះ​ថា​តើ​វា​ស្ថិតនៅ​កៀក​នឹង​ផ្កាយរណប​ក្នុង​កំរិត​ប៉ុណ្ណា ។​

​ទោះបីជា​ក្រុម​តារាវិទូ​ពិនិត្យឃើញ​លទ្ធភាព​នៃ​ការបុក​ទង្គិច​ផែនដី​ពី​សំណាក់​ផ្កាយព្រះគ្រោះ 2012 DA14 មាន​ត្រឹមតែ ០,០៣១ ភាគរយ​ក៏ដោយ ក៏​ពួកគេ​មិនបាន​ច្រានចោល​លទ្ធភាព​នៃ​ការបុក​ទង្គិច​ផែនដី​នៅ​ឆ្នាំ ២០២០ នោះដែរ​នៅពេលដែល​ផ្កាយព្រះគ្រោះ​បន្ទាប់​ធ្វើដំណើរ​ឆ្លងកាត់​ផែនដី ។ ប្រសិនបើ​វា​បុក​មែន ក្រុម​អ្នកវិទ្យាសាស្ត្រ​ជឿថា​វា​នឹង​បុក​តំបន់​អង់​តាក​ទិច ឬ មហាសមុទ្រ​ប៉ូល​ខាងត្បូង ៕

បច្ចេកវិទ្យា/វិទ្យាសាស្ត្រផ្សេងទៀត

អ្នកវិទ្យាសាស្ត្រ​រកឃើញ​មហាសាគរ​ក្រោម​ដី​ដ៏​ធំ​សម្បើម​ (ថ្ងៃទី 5 មេសា 2016)

ទូទឹកកក​ឆ្លាត​វៃ​មាន​បំពាក់​បន្ថែម​បរិក្ខារ​ប្រឆាំង​ការបំពុល​អាហារ​ (ថ្ងៃទី 2 មេសា 2016)

ព្រះ​ច័ន្ទ​នឹង​ខ្ទាត​ចេញពី​តារាវិថី រីឯ​ផែនដី​ត្រូវ​ព្រះអាទិត្យ​លេប​បាត់​ (ថ្ងៃទី 1 មេសា 2016)

NASA: ថត​បានការ​ផ្ទះ​របស់​តារា​១​ដួង​ជា​លើក​ទី​១ (ថ្ងៃទី 25 មីនា 2016)

Apple ផ្ញើលិខិត​អញ្ជើញ​ចូលរួម​ព្រឹត្តិការណ៍​ថ្ងៃទី​២១ ខែមីនា : IPhone SE បង្ហាញមុខ​ (ថ្ងៃទី 14 មីនា 2016)

រុស្ស៊ី​ផលិត​កំពូល​យន្តហោះ​ដឹកជញ្ជូន​លឿន​បំផុត​ពិភពលោក (ថ្ងៃទី 29 កុម្ភៈ 2016)

រថយន្ត​លឿន​បំផុត​ពិភពលោក​បង្ហាញ​វត្តមាន​ជាមួយ​ល្បឿន​ដែល​ស្ទើរតែ​ពុំ​អាច​ជឿ​បាន​ (ថ្ងៃទី 26 កុម្ភៈ 2016)

អវកាសយានិក​ទម្លាយ​ការសម្ងាត់​ក្រៅ​ភពផែនដី​ (ថ្ងៃទី 24 កុម្ភៈ 2016)

Project Loon បានត្រៀម​ផ្គត់ផ្គង់​ Internet ក្នុងល្បឿន 15 Mbps (ថ្ងៃទី 19 កុម្ភៈ 2016)

យន្តហោះ​ប្រឡាយ​កាត់​នឹង​ពោង​ហោះ​ដ៏​ធំ​សំបើម​ត្រៀម​ធ្វើដំណើរ​ជា​ផ្លូវការ​ (ថ្ងៃទី 19 កុម្ភៈ 2016)