ស្ត្រីដែលមានការក្តៅក្រហាយម្នាក់ បានសម្រេចចូលហ្វេសប៊ុក ដើម្បីទម្លាយរឿងដ៏ឈឺចាប់មួយឲ្យមហាជនបានដឹង បន្ទាប់ពីបានឃើញហេតុការណ៍ដ៏ហួសចិត្តមួយកាលពីព្រឹកម្សិលមិញ នៅឯមន្ទីរពេទ្យសកលវិទ្យាល័យជាតិ (NUH) ទីកន្លែងដែលសមាជិកបុគ្គលិកនៅទីនោះ ត្រូវបានចោទប្រកាន់ថាបានធ្វេសប្រហែស ក្នុងការផ្តល់ការយកចិត្តទុកសង្គ្រោះបន្ទាន់ដល់អ្នកជំងឺ ដែលកំពុងឈឺពោះឆ្លងទន្លេយ៉ាងខ្លាំង ។
ស្ត្រីម្នាក់ឈ្មោះ Preet Sandhu បានបង្ហោះនៅលើ Facebook ថា នាងបានឃើញស្ត្រីពោះធំម្នាក់កំពុងស្រែកយំឈឺចុកចាប់យ៉ាងខ្លាំង នៅខាងក្រៅយអគារសង្គ្រោះបន្ទាន់ផ្នែកកុមារ នៃមន្ទីរពេទ្យ NUH ។ នាងបានអះអាងថា គិលានុបដ្ឋាយិកាប្រុសម្នាក់នៅកន្លែងទទួលភ្ញៀវនោះ ពុំបានផ្តល់ការយកចិត្តទុកដាក់ឲ្យបានត្រឹមត្រូវ ចំពោះស្ត្រីមានផ្ទៃពោះក្រីក្រនោះ និងសូម្បីប្រាប់ជំនួយការឲ្យប្រញាប់នាំយកនាងទៅកាន់ផ្នែកសង្គ្រោះបន្ទាន់ទេ ។
នាងបន្តថា គិលានុបដ្ឋាយិកាប្រុសនោះ ដែលកំពុងអង្គុយនៅកន្លែងទទួលភ្ញៀវ ត្រូវបានកត់សម្គាល់ឃើញថា ហាក់ដូចជាផ្តោតតែទៅលើអ្នកផ្សេងៗដែលពុំត្រូវបានបន្ទាន់ និងរវល់តែជាមួយរឿងផ្ទាល់ខ្លួនប៉ុណ្ណោះ ដោយពុំខ្ចីខ្វល់នឹងស្ត្រីមានផ្ទៃពោះដែលកំពុងឈឺចុកចាប់ពិបាកទ្រាំយ៉ាងខ្លាំងឡើយ ។ ប៉ុន្តែ នៅទីបំផុត ជំនួយការគ្រូពេទ្យម្នាក់ ក៏បានមកនាំយកស្ត្រីក្រីក្រនោះ ចូលក្នុងមន្ទីរពេទ្យដោយពុំរង់ចាំការណែនាំអ្វីបន្ថែមទៀត ។
នេះត្រូវបានគេចាត់ទុកថាជាទង្វើដ៏ធ្វេសប្រហែស មិនយកចិត្តទុកដាក់របស់គ្រូពេទ្យខាងលើ ក៏ដូចជាគ្រូពេទ្យមួយចំនួនផ្សេងទៀត ទៅលើអ្នកជំងឺក្រីក្រត្រូវការសង្គ្រោះបន្ទាន់ ដែលធ្វើឲ្យសាធារណៈជនផ្ទុះកំហឹងយ៉ាងខ្លាំង ៕ ដោយ៖ ឧត្តម (ប្រភព៖ Coconuts)
