ភ្នំពេញ ៖ កីឡាការិនី ពៅ សុខា បាននិយាយថា ជោគជ័យមួយនេះគឺសម្រាប់ប្រទេសជាតិរបស់ខ្ញុំ ។ ការប្រកួតជើងឯកវ៉ូវីណាមទ្វីបអាស៊ីលើកទី៤ នៅកោះបាលី ប្រទេសឥណ្ឌូណេសុីត្រូវបានបញ្ចប់ហើយសរុបលទ្ធផលនាងខ្ញុំទទួលបានមេដាយមាស ២, ប្រាក់ ៣ , នឹង សំរឹទ្ធ ២ គ្រឿង ។
នាងខ្ញុំ ពៅ សុខា តំណាងអោយក្រុមវ៉ូវីណាមកម្ពុជា សូមថ្លែងអំណរគុណ ដល់ក្រសួងអប់រំយុវជននិិងកីឡា ដែលបានយកចិត្តទុកដាក់ ក៏ដូចជាថ្នាក់ដឹកនាំគ្រប់ជាន់ថ្នាក់ ជាពិសេសសូមអរគុណទៅដល់ លោកប្រធានសហព័ន្ធវ៉ូវីណាមកម្ពុជា លោក ឧកញ៉ា រ័ត្ន សុខន ដែលតែងតែផ្តល់នូវភាពកក់ក្តៅដល់គ្រួសារវ៉ូវីណាមទាំងមូល បញ្ចូនពួកយើងទៅហ្វឹកហាត់ ក៏ដូចជាខិតខំជួយជ្រោមជ្រែងពួកយើង ឱ្យមានលទ្ធផលដូចសព្វថ្ងៃនេះ ។ អរគុណដល់លោក អនុប្រធានសហព័ន្ធលោក អ៊ូ រតនា, នឹងលោកគ្រូបង្វឹកវៀតណាម, លោកគ្រូ ទេព ជីវសុខុម, លោកគ្រូ ឯម សុធារ័ត្ន ដែលបាននៅមើលថែនឹងបង្ហាត់បង្រៀនពួកយើងរហូតមក។
ជាចុងក្រោយសូមអរគុណ សម្រាប់ការផ្តល់កម្លាំងចិត្តពីសំណាក់ក្រុមគ្រួសារ មិត្តភក្តិ បងប្អូនទាំងអស់ ដែលតែងតែលើកទឹកចិត្តដល់នាងខ្ញុំរហូតមក។
សូមបញ្ជាម់ថា ការប្រកួតកីឡាវ៉ូវីណាមជើងឯកទ្វីបអាស៊ីលើកទី៤នៅកោះបាលី ប្រទេសឥណ្ឌូណេសុីបានបញ្ចប់ សរុបលទ្ធផលកម្ពុជាទទួលបានមេដាយមាស១១ ប្រាក់១១ នឹងសំរឹទ្ធ១៤ ។
•មេដាយមាសបានទៅលើប្រភេទវិញ្ញាសាប្រយុទ្ធទំងន់ ៥៧គ.ក នារី ( កីឡាករ បុិច ជំនោរ )
•មេដាយមាសបានទៅលើប្រភេទវិញ្ញាសាសម្តែងនារីម្នាក់ បុរស៣នាក់មានអាវុធ ( កីឡាការនី ប៉ាល់ ឆរស្មី, លី បូរ៉ាមី, សាន សុជាតិ, ប្រាក់ សុវណ្ណនី )
•មេដាយមាសបានទៅលើប្រភេទវិញ្ញាសាមេគុណបុរស ( កីឡាករ លី បូរ៉ាមី )
•មេដាយមាសបានទៅលើប្រភេទវិញ្ញាសាសម្តែងក្រុមដាវបុរស៤នាក់ (កីឡាករ ម៉េត សារី, ម៉េត សុភក្ត្រា, លី បូរ៉ាមី, អុឹម ឡាំងឈុង)
•មេដាយមាសបានទៅវិញ្ញាសាសម្តែងក្រុមដាវនារី៤នាក់ ( កីឡាការនី ប៉ាល់ ឆរស្មី, ពៅ សុខា, សឿ ច័ន្ទលក្ខិណា, សុក សុភី )
•មេដាយមាសវិញ្ញាសាសម្តែងក្រុមនារី៣នាក់ បុរស៣នាក់ ( កីឡាការនី ប៉ាល់ ឆរស្មី, ពៅ សុខា, សឿ ច័ន្ទលក្ខិណា, ម៉េត សុភក្ត្រា, ជិន ពិសិដ្ឋ, ផាន ហូហុីម )
•មេដាយមាសវិញ្ញាសាសម្តែងក្រុមកាំបិតធំបុរសពីរនាក់ ( កីឡាករ ជិន ពិសិដ្ឋ, ជ្រិន ប៊ុនឡុង )
•មេដាយប្រាក់វិញ្ញាសាសម្តែងមេគុណបុរស ( កីឡាករ អុឹម ឡាំងឈុង )
•មេដាយប្រាក់វិញ្ញាសាសម្តែងមេគុណបុរស ( កីឡាករ ម៉េត សារី )
•មេដាយប្រាក់វិញ្ញាសាសម្តែងនារីម្នាក់ បុរសម្នាក់ ( កីឡាករ លី បូរ៉ាមី, ពៅ សុខា )
•មេដាយប្រាក់វិញ្ញាសាសម្តែងនារីមេគុណកាបិតធំ ( កីឡាការនី ប៉ាល់ ឆរស្មី )
•មេដាយប្រាក់វិញ្ញាសាសម្តែងក្រុមបុរស៤នាក់មានអាវុធ ( កីឡាករ សាន សុជាតិ, ជិន ពិសិដ្ឋ, ជ្រិន ប៊ុនឡុង, ផាន ហូ ហុីម )
•មេដាយសំរឹទ្ធវិញ្ញាសាសម្តែងមេគុនដាវនារី ( កីឡាការនី ពៅ សុខា )
•មេដាយសំរឹទ្ធវិញ្ញាសាសម្តែងដាវនារី២នាក់ ( កីឡាការនី ពៅ សុខា, សឿ ច័ន្ទលក្ខិណា )
•មេដាយសំរឹទ្ធវិញ្ញាសាសម្តែងមេគុណនារី ( កីឡាការនី សឿ ច័ន្ទលក្ខិណា )
•មេដាយសំរឹទ្ធវិញ្ញាសាប្រយុទ្ធទំងន់៥១គ.ក( កីឡាការនី សុក សុភី )
•មេដាយសំរឹទ្ធវិញ្ញាសាប្រយុទ្ធទំងន់៤៥គ.ក នារី ( កីឡាការនី ឃន ចាន់សុភក្រនាថ )
•មេដាយសំរឹទ្ធវិញ្ញាសាប្រយុទ្ធទំងន់៥៧គ.ក បុរស ( កីឡាករ ផាន ហូហុីម )
•មេដាយសំរឹទ្ធវិញ្ញាសាប្រយុទ្ធទំងន់៤២គ.ក នារី ( កីឡាការនី ប៉ាល់ ឆរស្មី )៕ ដោយ ៖ បញ្ញាស័ក្តិ
