បុរសម្នាក់ត្រូវបានដឹងថា បានរងរបួសនៅក្នុងគ្រោះថ្នាក់ចរាចរណ៍មួយ ស្ថិតនៅ Danga Bay, Johor (ប្រទេសម៉ាឡេស៊ី) កាលពីថ្ងៃទី០៤ វិច្ឆិកា ប៉ុន្តែ ទោះជាយ៉ាងណា គាត់ត្រូវបានផ្តល់ភាពកក់ក្តៅជួយឃ្លាំមើលរបួស ដោយគិលានុបដ្ឋាយិកាស្រស់ស្អាតម្នាក់ គួរឲ្យគោរពស្រលាញ់បំផុត ។
បណ្តារូបភាពបង្ហាញគិលានុបដ្ឋាយិកាស្រីនោះ ជួយដល់បុរសម្នាក់ដែលកំពុងមានរបួស បាននិងកំពុងរីករាលនៅលើ Facebook ។ យោងតាមការបង្ហោះ គិលានុបដ្ឋាយិកានោះមានឈ្មោះថា Nur Syuhadah មកពីផ្នែកវះកាត់ប្រព័ន្ធសរសៃប្រសាទ នៃមន្ទីរពេទ្យ Johor ត្រូវបានឃើញរង់ចាំ និងជួយសម្រួលដល់បុរសរងគ្រោះនោះបានស្ងប់ចិត្ត រហូតដល់រថយន្តសង្គ្រោះមកដល់ ។
ជាក់ស្តែង វេនយប់របស់នាងនៅឯមន្ទីរពេទ្យ បានបញ្ចប់ ហើយនាងក៏បានធ្វើតាមនៅលើដងផ្លូវ ទៅកាន់ផ្ទះរបស់នាងវិញ ប៉ុន្តែ នៅតាមផ្លូវ នាងបានឃើញបុរសម្នាក់កំពុងរងរបួសអង្គុយនៅអែបចិញ្ចើមផ្លូវ ។ ទោះបីជាមានការអស់កម្លាំងបន្ទាប់ពីបំពេញការងារយ៉ាងណាក្តី ក៏នាងត្រូវតែឈប់រថយន្តសិន ហើយបានបំពេញតួនាទីរបស់នាងក្នុងនាមជាគិលានុបដ្ឋាកម្នាក់ ។
ប្រសិនបើជាមាននាងជួយដល់គាត់ ហើយមានរាំងស្ទះចរាចរនៅលើដងផ្លូវ នោះអ្វីៗអាចនឹងក្លាយជារឿងដ៏អាក្រក់មួយ ជាពិសេសសម្រាប់ជនរងគ្រោះ ។ ក្នុងនាមជាគ្រូពេទ្យម្នាក់ គួរណាស់តែបើកបេះដូងរបស់អ្នកឲ្យធំដូចនេះ ហើយជួយដល់ជនរងគ្រោះដែលកំពុងដង្ហោយរកជំនួយបន្ទាន់ផង ទោះបីជាវេនការងាររបស់អ្នកបានផុតទៅក្តី ៕ ដោយ៖ ចន្ទី (ប្រភព៖ worldofbuzz)