ក្នុងអំឡុងពេលមួយវែង សេកមួយក្បាលនេះច្រើននិយាយសាចុះសាឡើងនូវពាក្យពេចន៍ចែចង់ រូមទាំងស្នូរត្រេកត្រអាល គ្រាដែលម្ចាស់ផ្ទះលួចសហាយស្មន់ជាមួយអ្នកបម្រើ។
តាម Metro បុរសម្នាក់នៅប្រទេស Kuwait (មជ្ឈិមបូព៌ា) អាចនឹងត្រូវជាប់ពន្ធនាគារ ព្រោះតែសេកចិញ្ចឹមនៅក្នុងផ្ទះ«ទម្លាយអាថ៌កំបាំង» រឿងបុរសនោះស្នេហ៍ស្និទ្ធជាមួយអ្នកបម្រើក្នុងផ្ទះ។
រឿងរ៉ាវត្រូវបែកធ្លាយក្រោយពេលសេកមួយក្បាលនេះតែងតែនិយាយសាចុះសាឡើងនូវពាក្យពេចន៍ទាំងឡាយដែល បុរសនោះបានចែចង់និងត្រេកត្រអាលជាមួយស្រីអ្នកបម្រើនៅចំពោះមុខភរិយា។ សេកនេះវាបាននិយាយក្នុងរយៈពេលមួយវែង ទើបស្រីជាភរិយាចាប់អារម្មណ៍, យល់ ហើយគាត់ក៏ពិនិត្យឃើញសញ្ញាចម្លែកៗរបស់បុរសជាស្វាមី។
សហាយស្មន់គឺជាទង្វើខុសច្បាប់នៅប្រទេសឈូងសមុទ្រនេះ ។តាមរយៈភស្តុតាងរបស់សត្វសេកនេះ ប្រសិនបើតុលាការទទួលយកនោះ បុរសជាស្វាមីប្រាកដជាទទួលទោសយ៉ាងធ្ងន់ធ្ងរ។
សំណាងល្អ ដែលសំឡេងនិយាយដដែលៗរបស់សេកនេះមិនអាចត្រូវបានទទួលស្គាល់នៅតុលាការ ព្រោះថាឃ្លាឃ្លោងទាំងនោះវាអាចត្រូវសេកមួយក្បាលនេះវាឮតាមទូរទស្សន៍ ឬវិទ្យុ ។
ទោះយ៉ាងណា នារីជាភរិយាប្រាកដជាលែងបើក«របប» ដល់ស្វាមីជើងល្អម្នាក់នេះទៀតហើយ៕សូយន
