រឿងរ៉ាវដ៏រន្ធត់នេះ បានកើតឡើងនៅរដ្ឋតិចសាស់ អាមេរិក គ្រាដែលកូនកម្លោះ Will byler អាយុ ២៣ឆ្នាំ និងកូនក្រមុំ Bailee Ackerman អាយុ ២៣ឆ្នាំដែរ បានព្រមព្រៀងរៀបចំមង្គលការ ។
ក្នុងពិធីជួបជុំ អធិកអធមនេះ ពួកគេទទួលបាននូវពរជ័យជាច្រើន ពីសំណាក់សាច់ញាតិ ភ្ញៀវ… ប៉ុន្តែព្រោះចង់ឲ្យរ៉ូមែនទិក “ខុសគេឯង” អ្នកទាំងពីរ បានធ្វើនូវរឿងមួយ ដែលទីបញ្ចប់ពិតជាអណោចអធ័ម ។
ពេលពិធីជប់លៀងចប់នៅយប់ថ្ងៃនោះ កូនកម្លោះ និងកូនក្រមុំបានដឹកដៃគ្នា ឡើងឧទ្ធម្ភាចក្រឯកជន បើករបរដោយពីឡុតជើងចាស់វ័យ ៧៦ឆ្នាំ Gerold Green Lawrence ឆ្ពោះទៅកាន់ប៉ែកខាងលិច San Antonio ដើម្បីចាប់ផ្តើមដំណើរក្រេបទឹកឃ្មុំរបស់ខ្លួន ។
…ប៉ុន្តែមិនទាន់បានប៉ុន្មានផង យន្តហោះជួបគ្រោះថ្នាក់ដោយបុកនឹងទីទួលមួយធ្វើឲ្យអ្នកទាំង៣ លើយន្តហោះស្លាប់គ្មានសល់ ។
ពីឡុតជើងចាស់វ័យ ៧៦ឆ្នាំ ។
មុនហេតុការណ៍ អ្នកបើកបរបានប្រឹងទាក់ទងនឹងផ្នែកសង្គ្រោះ ៩១១ ដោយប្រាប់ពីហេតុការណ៍គ្រោះថ្នាក់ត្រៀមកើតឡើងដែរ ប៉ុន្តពេលក្រុមសង្គ្រោះទៅដល់នោះ អ្នកទាំង៣ បានស្លាប់ក្នុងគំនរយន្តហោះបែកបាក់បាត់ទៅហើយ ។
ក្រុមគ្រួសារទាំងពីរ ពិតជារន្ធត់ចិត្តឥឧបមា ព្រោះស្មានពុំដល់ថា មុននេះបន្តិច ពួកគេនៅញញឹមទទួលពរជ័យសោះ ហើយឥឡូវ… ៕ ចន្ទ្រា