ថ្មីៗនេះ ប៉ូលីសនៅក្នុងប្រទេសថៃ បានធ្វើការឃាត់ខ្លួនបុរសអាយុ ៥៣ ឆ្នាំ ម្នាក់ បន្ទាប់ពីអង្គការសង្រោះសត្វ Watchdog Thailand (WDT) បានរាយការណ៍ និងផ្តល់រូបភាព វីដេអូជាច្រើន បង្ហាញគាត់រួមភេទជាមួយសត្វឆ្កែ ហើយពួកវាទៅកាន់ «ក្រុម» ជាសមាជិករបស់ខ្លួននៅលើអ៊ីនធើរណែត ។
ប្រធានស៊ើបអង្កេតករណីនេះ លោក Mongkhol Khamwang បានប្រាប់ Coconuts នៅក្នុងបទសម្ភាសន៍តាមទូរស័ព្ទថា អាជ្ញាធរ បច្ចុប្បន្នកំពុងប្រមូលភស្តុតាង និងរៀបចំការស៊ើបអង្កេតទៅនឹងបណ្តឹង ដើម្បីចាត់វិធានការតាមផ្លូវច្បាប់ ។
ជនជាប់ចោទឈ្មោះ Dumrongpol Sarnmeung ត្រូវបានដោះលែងឲ្យទៅផ្ទះវិញ បន្ទាប់ពីបានចូលខ្លួនមកកាន់ប៉ុស្តិ៍ប៉ូលីស Sarapee នៅខេត្ត ឈៀងរ៉ៃ កាលពីសប្តាហ៍មុន ។
ករណីនេះបានកើតឡើងលេចឮដល់អាជ្ញាធរ គឺនៅពេលអង្គការ WDT និងមន្ទីរចិញ្ចឹមសត្វឈៀងម៉ៃ បានមកដាក់ពាក្យបណ្តឹងប្រឆាំង «ក្រុម» សេពកាមនឹងសត្វធាតុមួយ ដែលត្រូវបានស្គាល់មានឈ្មោះ “Bobo Group” កាលពីថ្ងៃអង្គារ ។
WDT បានចោទប្រកាន់ថា ក្នុងនាមជាអ្នកដឹកនាំក្រុម លោក Dumrongpol នឹងអញ្ជើញសមាជិកឲ្យចូលរួមក្រុម LINE និង Facebook ដោយគិតថ្លៃមើល ២០០ បាត (ប្រហែល ៦ ដុល្លារ) ។
នៅក្នុងគ្រុបទាំងនេះ គាត់នឹងចែករំលែករូបភាពនៃវីដេអូមនុស្សរួមភេទជាមួយសត្វឆ្កែ, ធ្វើឲ្យសមាជិកចៀសផុតគ្រោះថ្នាក់ពីចង្កូមឆ្កែ ដើម្បីងាយស្រួលរំលោភបំពានទៀតផង ។
យោងតាម The Nation នោះ Dumrongpol បានប្រមូល និងចិញ្ចឹមសត្វឆ្កែអនាថាទាំងនោះ នៅពេលពួកវានៅតូចៗម្លេះ ។
លោក Mongkhol Khamwang បានឲ្យដឹងថា៖ «ជនរូបនេះបានប្រាប់ពួកយើងថា គាត់បាននិងកំពុងធ្វើរឿងនេះដែលគិតមកទល់ពេលនេះ មានរយៈពេល ១០ ឆ្នាំ ហើយ ។ រូបគេក៏បានសារភាពថា បានបង្ហោះរូបភាព និងវីដេអូទាំងនោះ នៅក្នុងគ្រុបពិតប្រាកដមែន ប៉ុន្តែ បានបដិសេធរួមភេទជាមួយសត្វឆ្កែនោះទេ» ។
ទោះយ៉ាងណា លោកថា ខាងក្រុមលោកមានភស្តុតាងគ្រប់គ្រាន់ប្រឆាំងគាត់ ដើម្បីដាក់ការចោទប្រកាន់ហើយ ៕ ដោយ៖ ឧត្តម (ប្រភព៖ Coconuts)
