កាសែត The Hill ចុះផ្សាយព័ត៌មាននៅថ្ងៃ៧វិចិ្ឆកាថា ប្រធានាធិបតីTrump ប្រកាស៖ មេដឹកនាំគណបក្សប្រជាធិបតេយ្យ ប្រចាំរដ្ឋ Nancy Pelosi សក្តិសមក្លាយជាប្រធានរដ្ឋសភា ក្រោយពេលដែលមេដឹកនាំគណបក្សប្រជាធិបតេយ្យ ដណ្ដើមបានសិទ្ធិគ្រប់គ្រងស្ថាប័ននីតិបញ្ញតិ្តនេះក្នុងការបោះឆ្នោតពាក់កណ្តាលអាណត្តិ។
ប្រធានាធិបតីTrump ក៏បានស្នើសុំដល់ភាគីគណបក្សសាធារណរដ្ឋឱ្យបោះឆ្នោតគាំទ្រដើម្បីធានាថាអ្នកស្រីNancy Pelosi នឹងក្លាយជាប្រធានរដ្ឋសភាជាតិ។ ក្នុងគណនីTwitter របស់ខ្លួន លោកTrumpសរសេរថា៖ «និយាយឱ្យយុត្តិធម៌ទៅចុះ អ្នកស្រីNancy Pelosi សក្តិសមនឹងត្រូវបានគណបក្សប្រជាធិបតេយ្យជ្រើសរើសធ្វើជាប្រធានរដ្ឋសភា។ ប្រសិនបើពួកគេមានបង្កការលំបាកអ្វីមួយនោះ យើងនឹងបំពេញដោយសន្លឹកឆ្នោតខ្លះៗរបស់គណបក្សសាធារណរដ្ឋ។អ្នកស្រីសក្តិសមទទួលបាននូវការគោរពដ៏ខ្ពង់ខ្ពស់នេះ។
មុននោះ នៅយប់ថ្ងៃទី៦វិច្ឆិកា ប្រធានាធិបតីTrump បានទូរស័ព្ទឱ្យអ្នកស្រីNancy Pelosi បន្ទាប់ពីដឹងថាគណបក្សប្រជាធិបតេយ្យត្រៀមទទួលបានអាសនៈភាគច្រើននៅរដ្ឋសភា ហើយក៏បានស្វាគមន៍ចំពោះ ការអំពាវនាវរបស់អ្នកស្រីNancy Pelosi អំពីកិច្ចសហប្រតិបត្តិការរវាងគណបក្សទាំងពីរក្នុងសុន្ទរកថាអបអរជ័យ ជម្នះរបស់ខ្លួន៕សូយន
