តាមការស្រាវជ្រាវមួយថ្មីៗនេះ ក្នុងចំណោមពពួកបន្លែ នោះត្រប់ស្វាយឈរលំដាប់ទី១ អំពីផលប្រយោជន៍សុខភាព ។
ដំបូងបង្អស់ វាសម្បូរសារជាតិប្រឆាំងអុកស៊ីតកម្ម ហេតុនេះឥទ្ធិពលដល់សរសៃឈាមចិញ្ចឹមបំប៉នបេះដូង ជួយការពារសរីរាង្គប្រឆាំងទប់ទល់ជំងឺបេះដូង ។ បរិភោគត្រប់ស្វាយជាប្រចាំជួយទប់ស្កាត់ជំងឺស្ទះសរសៃឈាម អាស្រ័យដោយបរិមាណវីតាមីន K ដ៏ខ្ពស់នៅក្នុងនោះ ។
ការស្រាវជ្រាវដំណើរការនៅបារាំង ក្នុងរយៈពេល ១០ ឆ្នាំ កន្លងទៅ បានបង្ហាញថា ត្រប់ស្វាយអាចធ្វើឲ្យថយចុះបរិមាណកូឡេស្តេរ៉ូលអាក្រក់ក្នុងសរីរាង្គ (ប៉ុន្តែមិនត្រូវចម្អិនក្នុងសីតុណ្ហភាពលើស ២០០ អង្សាសេ) ។ ក្រៅពីនេះសាច់ត្រប់ផ្ទុកពេញទៅដោយ flavonoid សំខាន់ៗ អាចជួយស្ថិរភាពសម្ពាធឈាម និងបន្ថយភាពតានតឹង ។
ក្នុងច្រើនសតវត្សរ៍ ប្រទេសជាច្រើនបានប្រើប្រាស់ត្រប់ស្វាយ ដើម្បីគ្រប់គ្រងរោគសញ្ញារបស់ជំងឺទឹកនោមផ្អែម ហើយការស្រាវជ្រាវថ្មីៗនេះ សុទ្ធតែអះអាងតួនាទីនេះរបស់ត្រប់ស្វាយ ។
ត្រប់ស្វាយផ្ទុកកាឡូរីយ៉ាងទាប, មិនផ្ទុកជាតិខ្លាញ់ និងមានបរិមាណជាតិសរសៃខ្ពស់ ។ បរិភោគត្រប់ស្វាយជាប្រចាំ នឹងជួយឲ្យប្រព័ន្ធរំលាយអាហារមានសកម្មភាពធម្មតា, ការពាររោគទល់លាមក និងអាចបញ្ចៀសជំងឺមហារីកពោះវៀនធំ ។
សម្បកត្រប់សម្បូរសារជាតិ Phytonut អាចជួយកែប្រែឲ្យប្រសើរបរិមាណចរាចរឈាមរត់ចូលខួរក្បាល ហេតុនេះ ពេលបរិភោគ អ្នកមិនគួរចិត្តសម្បកត្រប់ចោល ៕ សូយន
