ស្ត្រីម្នាក់ បានត្រូវរង្វាន់ឆ្នោតឡូតូដែលមានទឹកប្រាក់ ៣៤៣,៩លានដុល្លា ប៉ុន្តែគាត់បានបាត់សន្លឹកឆ្នោតនោះអស់មួយរយៈ ប៉ុន្តែចុងក្រោយគាត់បានរកឃើញវាវិញនៅក្នុងឡានប្អូនស្រីរបស់គាត់។
ស្ត្រីមានសំណាងខាងលើមានឈ្មោះថា Lerynne West អាយុ ៥១ឆ្នាំ មកពីទីក្រុង Redfield (សហរដ្ឋអាមេរិច)។ គាត់បានទទួល ស្គាល់ថា គាត់បានបាត់សន្លឹកឆ្នោតនោះមួយរយៈពេល ហើយរកវាមិនឃើញសោះ ប៉ុន្តែគាត់ក៏បានរកឃើញវាវិញនៅក្នុងឡានប្អូនរបស់កាត់។
អ្នកស្រីបញ្ជាក់ប្រាប់មន្ត្រីនៃក្រុមហ៊ុនឆ្នោតដូច្នេះថា សន្លឹកឆ្នោតដែលគាត់ទិញពីហាង Casey’s បានជ្រុះចេញពីកាបូបរបស់គាត់ពេលគាត់កំពុងជិះឡានជាមួយនឹងប្អូនស្រី។
គាត់និយាយថា មិត្តភក្តិគាត់ម្នាក់បានផ្ញើសារមកគាត់ បន្ទាប់ពីមានការចាប់ឆ្នោតឡូតូរួច ហើយបានប្រាប់ថា សន្លឹកឆ្នោតដែលគាត់ ទិញ ត្រូវរង្វាន់ធំ ប៉ុន្តែភ្លាមៗនោះ អ្នកស្រីរកវាមិនឃើញសោះ។
ប៉ុន្តែក្រោយមក អ្នកស្រីបានទាក់ទងទៅកាន់ប្អូនស្រីគាត់ ឲ្យជួយរកមើលក្នុងឡាន ហើយក្រោយមកប្អូនស្រីគាត់បានផ្ញើរូបភាពនៃសន្លឹកឆ្នោតនោះ ទើបគាត់ដឹងថា សន្លឹកឆ្នោតនោះ ឈ្នះរង្វាន់ធំ ដែលមានលេខ 8-12-13-19-27។
បន្ទាប់ពីប្អូនស្រីរកឃើញសន្លឹកឆ្នោតដែលត្រូវរង្វាន់ប្រាក់រាប់លានដុល្លា គាត់បានប្រាប់ប្អូនស្រីឲ្យ ជិះឡាន និងយកសន្លឹកឆ្នោតឲ្យគាត់ ព្រមទាំងបានប្រាប់ថាឲ្យបើកឡានយឺត និងប្រុងប្រយ័ត្ន។
ការឈ្នះរង្វាន់ធំជិត ៣៥០ដុល្លារបស់អ្នកស្រី គឺជារង្វាន់ធំបំផុតទី ២ក្នុងប្រវត្តិសាស្ត្រឆ្នោតឡូតូ Lottery ៕ សុភ័ក្ត្រ
ប្រភព៖ upi