បុរសជនជាតិជប៉ុនម្នាក់បានធ្វើរឿងដ៏លំបាកមួយដើម្បីបំបែកកំណត់ត្រាពិភពលោក (Guinness World Record) ដោយគាត់អាចលោតអន្ទាក់បានចំនួន ១៥១.៤០៩ដង ក្នុងរយៈពេល ២៤ម៉ោង។
ការលោតបានចំនួន ១៥១.៤០៩ដងនេះ បានធ្វើឲ្យលោក Hijiki Ikuyama វ័យ ៣៦ឆ្នាំ បំបែកកំណត់ត្រារបស់ Isabel Bush ដែលធ្វើបាន ១៥១.០៣៦ដងក្នុងរយៈពេល ២៤ម៉ោងដូចគ្នា។
បន្ទាប់ពីបំបែកកំណត់ត្រាបាន លោកបាននិយាយប្រាប់អ្នកសារពត៌មានដូច្នេះថា “វាគឺជារឿងដ៏លំបាក។ ខ្ញុំត្រូវសម្រាក ១០នាទី រៀងរាល់ ២០នាទី” លោក Hijiki Ikuyama បញ្ជាក់ថា ការចាប់អារម្មណ៍លើកីឡាលោតអន្ទាក់នេះរបស់លោក គឺមានតាំងពីលោកនៅក្មេង។
លោកថា លោកស្រឡាញ់ជំនាញរបស់គ្រូលោកណាស់ ហើយគិតចង់ធ្វើអ្វីមួយដើម្បីឲ្យគ្រូគាត់ចាប់អារម្មណ៍ ព្រោះគ្រូលោកមានជំនាញលោតអន្ទាក់ និងធ្វើបានល្អខ្លាំងណាស់៕ សុភ័ក្ត្រ
ប្រភព៖ upi
