យន្តហោះដឹកអ្នកដំណើរ Boeing មួយគ្រឿង បានជួបគ្រោះថ្នាក់ ក្នុងអំឡុងនៃការចុះចតបន្ទាន់ ធ្លាក់នៅអាកាសយានដ្ឋាននៃរដ្ឋធានី Georgetown នៅប្រទេសអាមេរិកឡាទីន Guyuna ។
យ៉ាងហោចណាស់ មានអ្នកដំណើរ ៦ នាក់បានរងរបួស នៅពេលយន្តហោះរបស់ក្រុមហ៊ុនអាកាសចរណ៍ Fly Jamaica ដែលធ្វើដំណើរឆ្ពោះទៅកាន់ទីក្រុង Toronto ប្រទេសកាណាដា បានជួបគ្រោះនៅអាកាសយានដ្ឋាន Cheddi Jagan កាលពីថ្ងៃសុក្រ (៩ វិច្ឆិកា) ។
មន្ត្រីអាកាសចរណ៍ Guyana បាននិយាយនៅក្នុងសន្និសីទសារព័ត៌មានថា យន្តហោះនោះបានកំពុងស្ថិតនៅលើអាកាសក្នុងរយៈពេលប្រហែល ២០ នាទី នៅពេលនោះអ្នកបើកបរបានបញ្ជាក់ថា វាមានបញ្ហាជាមួយប្រព័ន្ធទឹករបស់វា ។
ក្រុមហ៊ុនអាកាសចរណ៍ Fly Jamaica បាននិយាយថា អ្នកដំណើរទាំងអស់ ១១៨ នាក់ និងសមាជិកអាកាសយានិកចំនួន ៨ នាក់ បានមានសុវត្ថិភាព ។
របាយការណ៍បាននិយាយនៅក្នុងសេចក្តីថ្លែងការណ៍មួយថា៖ «យើងខ្ញុំអាចបញ្ជាក់បានថាជើងហោះហើរ Jamaica OJ256 ដែលធ្វើដំណើរឆ្ពោះទៅទីក្រុង Toronto បានវិលត្រឡប់ទៅកាន់រដ្ឋធានី Georgetown វិញ ជាមួយនឹងបញ្ហាបច្ចេកទេស ហើយបានជួបគ្រោះថ្នាក់ចុះចតនៅលើផ្លូវហោះហើរ ។
«នៅពេលនេះយើងជឿថាអ្នកដំណើរទាំង ១១៨ នាក់ និងសមាជិកអាកាសយានិកចំនួន ៨ នាក់ មានសុវត្ថិភាព» ៕ ដោយ៖ ឧត្តម (ប្រភព៖ msn)