ក្មេងប្រុសខ្មែរយើងដ៏គួរឲ្យស្រលាញ់ម្នាក់ ដែលត្រូវបានធ្វើតេស្តលេងឲ្យគាត់និយាយបានយ៉ាងច្រើនភាសាយ៉ាងល្អ ដោយស្ត្រីទេសចរជនជាតិចិនរូបស្អាតម្នាក់ ខណៈទិញវត្ថុអនុស្សាវរីយ៍នៅលើទឹកដីប្រាសទអង្គរវត្ត ហើយបន្ទាប់មកនាងបានបង្ហោះវីដេអូនេះនៅលើបណ្តាញសង្គម ទទួលការចាប់អារម្មណ៍យ៉ាងខ្លាំង ដោយមានអ្នកចូលទស្សនារាប់សែននាក់ និងចែករំលែកជាច្រើនថែមទៀតនោះ ឥលូវនេះ មានសប្បុរសជនជនជាតិសិង្ហបុរីម្នាក់ ដែលមានការពេញចិត្តយ៉ាងខ្លាំង ចំពោះសមត្ថភាពរបស់ប្អូនរូបនេះ បានប្រកាសស្វែងរកជួយឧបត្ថម្ភគាត់ហើយ ។
យោងតាមគណនីហ្វេសប៊ុកឈ្មោះ Sam Sousdey បានជួយប្រកាសតាមរកក្មេងប្រុសម្នាក់នេះ ជំនួសឲ្យមិត្តភក្តិរបស់គាត់ម្នាក់ ដែលជាជនជាតិសិង្ហបុរីមានសន្តានចិត្តចង់ជួយដល់គាត់ថា៖ «មាននាក់ស្គាក់ក្មេងនេះទេសូមជួយទំនាក់ទំនងមងខ្ញុំផង ព្រោះមានមិត្តខ្ញុំនៅសាំងកាពួ (#Devid_Yip) ចង់ជួយគាត់ទាំងការសិក្សា និងការឧបត្ថមផ្សេងៗ សូមអរគុណ!» ។
គួរបញ្ជាក់ផងដែរថា ប្អូនប្រុសដែលមានមុខមាត់ស្រស់ស្អាតដ៏គួរឲ្យទាក់ទាញរូបនេះ អាចនិយាយ និងចេះស្តាប់ភាសាបរទេសបានយ៉ាងច្រើនដែលក្នុងនោះដូចជា៖ ចិន, ជប៉ុន, កូរ៉េ, អង់គ្លេស, អេសស្បាញ, ហ្វីលីពីន, ម៉ាឡេស៊ី, … ។ ប៉ុន្តែ យើងក៏ពុំដឹងថា គាត់អាចនិយាយភាសានីមួយៗបានដល់កម្រិតណានោះទេ ៕ ដោយ៖ ចន្ទី