នារីម្នាក់ថ្មីៗនេះ បានចែករំលែកបទពិសោធន៍នូវរឿងដ៏ស្លុតចិត្តមួយ ស្ថិតនៅខាងក្រៅតំបន់ Starbucks Reserve ខណៈនាងបានចេញខាងក្រៅនៅពេលយប់ រួមជាមួយមិត្តភក្តិស្រីៗរបស់នាង ។
នាងបានផុសនៅលើហ្វេសប៊ុកឲ្យដឹងថា នៅវេលាម៉ោងប្រហែល ១០ និង ៣០ នាទី យប់ថ្ងៃចន្ទ (៥ វិច្ឆិកា) នៅពេលនោះ ក្មេងស្រីម្នាក់ និងមិត្តភក្តិ៣នាក់ទៀតរបស់នាង កំពុងអង្គុយនៅក្បែរមាត់បង្អួច នាំគ្នារីករាយផឹកកាហ្វេ ។ ប៉ុន្តែ រំពេចមួយនោះ ពួកនាងស្រាប់តែបានឃើញនរណាម្នាក់ឈរនៅខាងក្រៅ ហើយជក់បារី ។
នោះគឺបុរសម្នាក់ ដែលបន្ទាប់មកបានបែរទៅរកពួកនាង ហើយចាប់ផ្តើមដោះខ្សែក្រវ៉ាត់ប្រឡេះឡេវខោធ្វើរឿងដ៏គួរឲ្យខ្ទើមរអើម…. នៅទល់មុខពួកនាងតែម្តង ។ ម្នាក់ក្នុងចំណោមពួកនាង ភ្លាមៗនោះបានងាកចេញឲ្យអារម្មណ៍ខ្ពើមរអើមបំផុត (សាប់លិង្គ) និងអ្នកដទៃទៀត បានព្យាយាមសុំជំនួយពីភ្ញៀវដទៃ ប៉ុន្តែ គ្មាននរណាម្នាក់ហាក់ដូចជាអើពើសោះ ។
បើទោះជាហេតុការណ៍នេះ បានអូសបន្លាយត្រឹមរយៈពេលតែ ៣ នាទី ហើយបុរសហាក់ដូចជាស្រវឹងនោះ ដែលបានដើរចាកចេញវិញក៏ដោយ តែទង្វើដ៏អសិលធម៌បែបនេះ វាពិតជាធ្វើឲ្យមានការព្រួយបារម្ភអំពីសុវត្ថិភាពរបស់ពួកគេជាខ្លាំង ។
នាងបន្តថា នៅពេលពួកនាងសួរទៅកាន់បុគ្គលិកម្នាក់របស់ហាង Starbucks គេបាននិយាយថា វាជាហេតុការណ៍ទើបកើតឡើងជាលើកទី១ និងបានសុំទោសចំពោះហេតុការណ៍ដ៏រន្ធត់ចិត្តនេះ ដល់ពួកនាងផងដែរ ។
ទោះយ៉ាងណា នាងបានបន្ថែមថា ករណីរបស់បុរសរូបនោះ គួរតែត្រូវបានប៉ូលីសចាប់ធ្វើការអប់រំហើយ ព្រោះថា បុរសនេះ ពុំដឹងថាជាដើរធ្វើរឿងបែបនេះនៅតាមកន្លែងណាខ្លះនោះទេ ៕ ដោយ៖ ចន្ទី (ប្រភព៖ worldofbuzz)
ទស្សនាវីដេអូផ្ទាល់=> (Video)