អ្នកកាសែតតួកគីនិយាយថា ខ្សែអាត់ថតសំឡេងបានបង្ហាញឱ្យដឹងពីសម្តីចុងក្រោយរបស់ Khashoggi មុនពេលត្រូវពួកឃាតករArab Saudi សម្លាប់។
ប្រធានគណៈកម្មការស៊ើបអង្កតDaily Sabah, របស់សារព័ត៌មានលំដាប់ទី១នៅតួកគី Nazif Karaman បានបង្ហើបឱ្យដឹងថា សម្តីចុងក្រោយរបស់អ្នកកាសែត Arab Saudi Jamal Khashoggi មុនពេលគេធ្វើឃាតគឺៈ «ខ្ញុំថប់ដង្ហើមណាស់។ចូរយកស្បោងនេះចេញពីក្បាលខ្ញុំទៅ។ខ្ញុំខ្លាចលំហបិទជិតណាស់។
Nazif Karaman ឱ្យដឹងថា លោកបានឮសំឡងខាងលើរបស់ Khashoggi នូវខ្សែអាត់ថតសំឡេងក្នុងស្ថានកុងស៊ុល Arab Saudi ទោះបីជាខ្សែអាត់ថតសំឡេងនោះពុំទាន់ត្រូវប្រកាសផ្សាយជាសាធារណៈក្តី។
អ្នកកាសែតរូបនេះពោលបន្ថែមថា Khashoggi បានត្រូវពួកឃាតករយកស្បោងនីឡុងមកគ្រប់ពីលើក្បាលមុនពេលសម្លាប់ ហើយក្នុងខ្សែអាត់ថតសំឡេងនោះបង្ហាញឱ្យដឹងថា ហេតុការណ៍ធ្វើឃាតនេះបានប្រព្រឹត្តទៅក្នុងអំឡុងពេល៧នាទី ។ បន្ទាប់មកពួកឃាតករបានយកក្រណាត់នីឡុងក្រាលលើឥដ្ឋ រួចបំបែកសាកសពរបស់Khashoggi ក្នុងអំឡុងពេលប្រមាណ១៥នាទី ដែលដឹកនាំដោយប្រធានអាជ្ញាធរកោសលវិច័យArab Saudi Salah al-Tubaigy។
មុននោះ Daily Sabah បានចុះផ្សាយអំណះអំណាងរបស់សមត្ថកិច្ចតួកគី ថាគេបានរកឃើញស្លាកស្នាមអាស៊ីដនៅក្នុង លូទឹកនៃស្ថានកុងស៊ុលArab Saudi ហើយតម្រុយនេះបានធ្វើឱ្យអ្នកស៊ើបអង្កតជឿថាសាកសពរបស់Khashoggi ត្រូវបានបំបិទតាងដោយអាស៊ីដ៕សូយន
