បន្ទាយកណ្តាលទឹកជាប្រវត្តិសាស្ត្រមួយ កំពុងត្រូវគេដាក់ដេញថ្លៃក្នុងតម្លៃថោកជាងផ្ទះល្វែងមានបន្ទប់គេងមួយនៅទីក្រុងឡុងដ៍ ប្រទេសអង់គ្លេសទៅទៀត។
បន្ទាយ Stack Rock Fort ដែលមានភូមិសាស្ត្រស្ថិតនៅកណ្តាលទឹក នៅមីលហ្វដ ហាវិន (Milford Haven) សង្កាត់ផេមប្រូកសៀ (Pembrokeshire) វ៉េលស៍ ត្រូវបានកសាងសង់ឡើងដើម្បីការពារចក្រភពអង់គ្លេស ពីការឈ្លានពានពីសំណាក់អធិរាជ ណាប៉ូឡេអុងទី៣ របស់បារាំង។
ដោយមានកម្ពស់ ៣ ជាន់ និងមានកាំជណ្តើរកាច់ឡើងទៅជាន់នីមួយៗ មានបន្ទប់បាញ់កាំភ្លើងធំ ព្រមទាំងកន្លែងដាក់គ្រែទាហានដេកជាជួរ បន្ទាយដែលសាងសង់នៅចន្លោះឆ្នាំ ១៨៥០-១៨៥២ ខាងលើនេះអាចឱ្យអ្នកគយគន់ទេសភាពយ៉ាងស្រស់ស្អាតប្រៀបដូចជាឋានសួគ៌។
យោងតាមរដ្ឋបាលចុះបញ្ជីដីធ្លី និងអចលនទ្រព្យរបស់ចក្រភពអង់គ្លេស បានឱ្យដឹងថា តម្លៃផ្ទះក្នុងទីក្រុងឡុងដ៍ ជាមធ្យមមួយ ៦៣០.០០០ ដុល្លារអាមេរិក ហើយតម្លៃជាមធ្យមនៅវ៉េលស៍ មួយ ២០០.០០០ ដុល្លារអាមេរិក៕សូយន