អ្នកប្រើប្រាស់បណ្តាញសង្គមដ៏ល្បី និងស្រស់ស្អាតម្នាក់នៅក្នុងប្រទេសចិន ត្រូវបានអាជ្ញាធរចិន ចាប់ឃុំខ្លួនអស់រយៈពេល ៥ថ្ងៃ ដោយសារតែធ្វើកាយវិការមិនគោរពដល់ភ្លេងជាតិ។ នេះបើតាមការបញ្ជាក់របស់ប៉ូលីសនៅទីក្រុងស៊ាងហៃ។
កញ្ញាដ៍ស្រស់ស្អាតម្នាក់នោះមានឈ្មោះថា Yang Kaili មានអាយុ ២០ឆ្នាំ។ នាងបានបង្ហោះវីដេអូរបស់នាងបញ្ចេញសម្លេង និងធ្វើកាយវិការក្រវីដៃ មុនពេលបទភ្លេងជាតិត្រូវបានច្រៀងឡើង។
បន្ទាប់មក កញ្ញាសាច់សខ្ចីរូបនោះ បាននិយាយហេឡូទៅកាន់អ្នកគាំទ្ររបស់នាង។
សូមបញ្ជាក់ថា កាលពីឆ្នាំមុន ទីក្រុងប៉េងកាំងបានចេញច្បាប់មួយ ដោយបញ្ជាក់ថា នរណាក៏ដោយឲ្យតែហ៊ានចំអកដល់បទភ្លេងជាតិ (March of the Volunteers) អាចនឹងត្រូវជាប់គុករយៈពេលរហូតដល់ ១៥ថ្ងៃ។
ប៉ូលីសស៊ាងហៃបញ្ជាក់ថា កញ្ញា Yang Kaili មិនគោរពដល់បទភ្លេងជាតិ និងធ្វើឲ្យមានការស្អប់ពីសំណាក់ប្រជាជន៕ សុភ័ក្ត្រ
ប្រភព៖ newssky