អ្នកស្ទូចត្រីមួយក្រុមបានប្រទះឃើញស្វាមួយក្បាល ហែលទឹកពីប្រទេសប្រេស៊ីល ទៅកាន់ប្រទេសបូលីវី (Bolivia) ដែលនេះគឺជារឿងគួរឲ្យភ្ញាក់ផ្អើលនៅពេលដែលស្វាហ៊ានហែលឆ្លងកាត់ទន្លេដ៏ធំ ទៅកាន់ប្រទេសផ្សេង។
ពេលកំពុងស្ទូងត្រីនៅលើទូក ក្នុងទន្លេ Gaupore ពួកគេបានឃើញស្វានោះ និងបានថតវីដេអូ ខណៈវាកំពុងហែលទឹកយ៉ាងប្រញ៉ាប់ពីប្រទេសមួយទៅកាន់ប្រទេសមួយទៀត។
ទន្លេនោះគឺជាព្រំដែនរវាងប្រទេសប្រេស៊ីល និងប្រទេសបូលីវី។
អ្នកថតវីដេអូម្នាក់បាននិយាយថា “នៅពេលពួកយើងកំពុងស្ទូចត្រីក្នុងទន្លេ Guapore ដែលជាព្រំដែនរវាងប្រទេសប្រេស៊ីល និងបូលីវី ពួកយើងបានជួបរឿងមិនធម្មតាមួយ ដោយឃើញស្វាមួយក្បាលកំពុងហែលទឹកពីព្រំដែននៃប្រទេសមួយទៅកាន់ប្រទេសមួយទៀត”។
“ពួកយើងនិយាយលេងសើចថា ស្វានោះកំពុងរត់ចេញពីប្រទេសប្រេស៊ីល ក្រោយពេលប្រធានាធិបតីថ្មីបានជាប់ឆ្នោត”៕
ប្រភព៖ upi
សុភ័ក្ត្រ
