ឥណ្ឌូនេស៊ី៖ បុរសជាប្តីឈ្មោះ Andi Soto អាយុ ៨០ ឆ្នាំ ម្នាក់ ត្រូវបានឃាត់ខ្លួន បន្ទាប់ពីត្រូវបានចោទប្រកាន់សម្លាប់ប្រពន្ធរបស់ខ្លួនអាយុ ៦០ ឆ្នាំ ដែលបានរួមរស់នៅជាមួយគ្នាអស់រយៈពេល ៤០ ឆ្នាំ មកហើយ ព្រោះតែបដិសេធរួមដំណេកជាមួយគាត់ ។
មេប៉ូលីសឈ្មោះ Abdul Rahim បានឲ្យដឹងថា៖ «ហេតុការណ៍នេះបានកើតឡើងនៅអំឡុងពេលថ្ងៃ ។ ផ្អែកតាមចម្លើយសារភាពរបស់ Soto, នោះដោយសារតែប្រពន្ធរបស់គាត់បដិសេធរួមភេទជាមួយ គាត់ក៏បានផ្ទុះកំហឹងយកកាំបិតចាក់.ករបស់ប្រពន្ធរបស់គាត់តែម្តង» ។
យោងតាម Sinar Harian ប្តីប្រពន្ធវ័យចំណាស់នេះ ធ្លាប់បានលែងលះគ្នាអស់រយៈពេល ២ ខែ កន្លងមកហើយ មុនពេលពួកគេសម្រេចចិត្តយកគ្នាវិញ ។ ផ្អែកតាមរបាយការណ៍ព័ត៌មាន ដំបូង Soto បានអនុវត្តពិធីអធិស្ឋានរបស់គាត់ ខណៈប្រពន្ធរបស់គាត់ដេក ។ ហេតុការណ៍បន្ទាប់មក បានកើតឡើង នៅពេលប្រពន្ធរបស់គាត់ភ្ញាក់ពីដំណេក ហើយតា Soto ក៏ស្នើសុំគាត់រួមភេទជាមួយ បន្ទាប់បញ្ចប់អធិស្ឋាន ។
ដើម្បីឲ្យយល់កាន់តែច្បាស់ពីមូលហេតុនៃសកម្មភាពដ៏សាហាវរបស់ Soto អាជ្ញាធរក៏បានសម្រេចធ្វើតេស្តសុខភាពផ្លូវចិត្តប្រឆាំងគាត់ ។
ទន្ទឹមនោះផងដែរ កូនប្រុសរបស់ Soto ក៏បានពន្យល់ថា ឪពុករបស់គាត់ធ្លាប់ត្រូវបានយកទៅព្យាបាលនៅមន្ទីរពេទ្យ មុនពេលបញ្ចេញសកម្មភាពរវើរវើយ និងរករឿងអ្នកដទៃ ។ សូម្បីសមាជិកគ្រួសារក៏ត្រូវបាននិយាយថាខ្លាចគាត់ដែរ ។ ប៉ុន្តែ គាត់បានអះអាងថា សកម្មភាពឪពុករបស់គាត់នៅពេលខ្លះធម្មតា ។
ទោះយ៉ាងណា Soto ត្រូវបានចោទប្រកាន់ក្រោមមាត្រា ៤៤ នៃការប្រើអំពើហិង្សាក្នុងគ្រួសារ ដែលគាត់អាចប្រឈមជាប់ពន្ធនាគារ ១៥ ឆ្នាំ ៕ ដោយ៖ ឧត្តម (ប្រភព៖ worldofbuzz)