ថៃ៖ ប៉ូលីសបានចាប់ខ្លួនតន្ត្រីករតាមដងផ្លូវម្នាក់ បន្ទាប់ពីត្រូវបានចោទប្រកាន់ធ្វើរឿងមិនសមរម្យ «សាប់លិង្គ» ដាក់ភ្ញៀវទេសចរបរទេសជាច្រើននាក់ នៅក្នុងមជ្ឈមណ្ឌល Chiang Mai ។
ប៉ូលីសនិយាយថា មេប៉ូលីសក្រុងឈៀងម៉ៃ លោក Arnon Cherdchutrakulthong បានប្រាប់អ្នកសារព័ត៌មានថា បុរសឈ្មោះ Anusorn Keraket អាយុ ៥៤ ឆ្នាំ ត្រូវបានចាប់ខ្លួន បន្ទាប់ពីប៉ូលីសទទួលពាក្យបណ្តឹងថា បុរសរូបនេះបានបង្ហាញ «ប្រដាប់ភេទ» របស់ខ្លួន ដាក់ភ្ញៀវទេសចរថៃ និងបរទេស ។
លោក Arnon និយាយថា វីដេអូពីកាមេរ៉ាសន្តិសុខបានចាប់យកបានពីទិដ្ឋភាពដែល Anusorn បានធ្វើសកម្មភាពមួយ ក្នុងចំណោមសកម្មភាពដ៏ពុំសមរម្យជាច្រើនទៀត ដែលជំរុញឲ្យប៉ូលីសត្រូវតាមដាន និងចាប់ខ្លួនគាត់តែម្តង ។ គាត់ត្រូវបានចោទប្រកាន់បញ្ចេញភាពមិនសមរម្យនៅទីសាធារណៈ ៕ ដោយ៖ ឧត្តម (ប្រភព៖ khaosodenglish)