វីដេអូនៃស្រីស្អាតម្នាក់សម្តែងនៅលើដងផ្លូវ ជាមួយទេពកោសល្យកាយវិការដ៏ទាក់ទាញ និងជាពិសេសការបញ្ចេញសមត្ថភាពកាយសម្ព័ន្ធដោយប្រើជើងដ៏ស្ទាត់ជំនាញរបស់នាង ក្នុងការសម្តែងជាមួយរបស់ធ្ងន់ៗផ្សេងៗ បានកំពុងទទួលការចាប់អារម្មណ៍ និងកោតសរសើរយ៉ាងខ្លាំងនៅលើបណ្តាញសង្គម Youtube ។
អ្នកសម្តែងស្រីវ័យក្មេងរូបស្រស់សោភានេះ ត្រូវបានគេស្គាល់ថាមានឈ្មោះ Antipode Li Wwei Yang ជនជាតិតៃវ៉ាន់ ។
យ៉ាងណាមិញ ជាមួយការសម្តែងអស្ចារ្យរបស់នាង អ្នកប្រើប្រាស់អ៊ីនធើរណែតជាច្រើនបានចូលខមិនកោតសរសើរស្រដៀងៗគ្នាថា នាងពុំត្រឹមតែមានទេពកោសល្យ និងជំនាញកាយសម្ព័ន្ធក្នុងការសម្តែងដ៏អស្ចារ្យប៉ុណ្ណោះទេ តែក៏មានរូបសម្រស់ស្រស់ស្អាតគួរឲ្យស្រលាញ់ផងដែរ ។
ប៉ុន្តែ ជាមួយការឈុតសម្តែងយកជើងទ្របង្វិលកូនក្មេង២នាក់របស់នាង បានធ្វើឲ្យមានអ្នកព្រួយបារម្ភខមិនថា «សូមឪពុកម្តាយប្រុងប្រយ័ត្នផង! ព្រោះវាអាចប្រឈមហានិភ័យដល់អាយុជីវិតកូនៗរបស់អ្នក សម្រាប់ការសម្តែងដោយពុំមានមួកសុវត្ថិភាពការពារបែបនេះ» ៕ ដោយ៖ ចន្ទី
