កាសែត Themalaymail បានដកស្រង់សម្តីនាយករដ្ឋមន្ត្រី Malaysia Mahathir Mohamad ដែលឆ្លើយតបនឹងកិច្ចសម្ភាសន៍របស់ស្ថានីយទូរទស្សន៍ CNBC របស់អាមេរិកនៅថ្ងៃទី១២ ខែវិច្ឆិកា ឱ្យដឹងថា លោកនឹងមានការភ្ញាក់ផ្អើលយ៉ាងខ្លាំងប្រសិនបើលោកTrump ជាប់ឆ្នោតក្លាយជាប្រធានាធិបតីអាមេរិនៅអាណតិ្តទី២នោះ។
ការវាយតម្លៃរបស់នាយករដ្ឋមន្ត្រី Mahathir Mohamad ត្រូវបានលើកឡើងដោយផ្អែកលើការដែលគណបក្សប្រជាធិបតេយ្យរបស់លោកTrump បានបាត់បង់សិទ្ធិត្រួតត្រារដ្ឋសភាក្នុងការបោះឆ្នោតពាក់កណ្ដាលអាណត្តិដែលទើបតែប្រព្រឹត្តទៅកាលពីថ្ងៃ៦ ខែវិច្ឆិកាកន្លងមក។
តាមលោក Mahathir ការបោះឆ្នោតនេះគឺជាការធ្វើប្រជាមតិមួយចំពោះគោលនយោបាយរបស់ប្រធានាធិបតី Trump ។
មេដឹកនាំម៉ាឡេស៊ី ក៏សន្និដ្ឋានថា ប្រសិនបើលោកTrump លែងធ្វើជាប្រធានាធិបតីអាមរិក នោះសង្គ្រាមពាណិជ្ជកម្ម ជាមួយចិនក៏នឹងបញ្ចប់ ហើយព្រឹត្តិការណ៍នេះកំពុងជះឥទ្ធិពលដល់ប្រទេសជាច្រើនលើពិភពលោក។
តាមប្រធានាធិបតី Mahathir នោះគណបក្សសាធារណរដ្ឋនិងប្រជាធិបតេយ្យរបស់អាមេរិក នឹងលែងបន្តការដាក់ ទណ្ឌកម្មចំពោះប្រទេសចិន ប្រសិនបើលោកTrump រងបរាជ័យក្នុងកិច្ចខិតខំឈរឈ្មោះជាបេក្ខភាពប្រធានាធិបតី អាណត្តិទី២។
លោក Mahathir ក៏សម្តែងការមន្ទិលសង្ស័យអំពីជំនួបខាងមុខក្នុងក្របខ័ណ្ឌ G20 រវាងលោកTrump និងប្រធានរដ្ឋចិន Xi Jinping អាចជួយកាត់បន្ថយភាពតានតឹងពាណិជ្ជកម្មរវាងមហាអំណាចសេដ្ឋកិច្ចទាំងពីរនេះ ៕សូយន
