យុវជនមួយចំនួននៅក្នុងប្រទេសឥណ្ឌូនេស៊ី កាលពីពេលថ្មីៗនេះ ត្រូវបានរកឃើញកំពុងប្រើប្រាស់សំដីអនាម័យ ធ្វើជាជម្រើសដ៏ថោកមួយ ជំនួសឲ្យទិញគ្រឿងញៀន និងស្រា ។
ក្មេងជំទង់ៗមកពីតំបន់ផ្សេងៗនៅក្នុងប្រទេសនេះ ត្រូវបានគេរាយការណ៍ថា អាចញៀនខ្លាំង តាមរយៈការយកសំដីអនាម័យប្រើប្រាស់រួចដាំឲ្យពុះ ហើយយកទឹករបស់វាផឹក ។
កាសែត The Straits Times បានរាយការណ៍ថា យុវជនឥណ្ឌូនេស៊ីជាច្រើនមកពី Jakarta, Bekasi នៅក្នុង West Java និង Kudus នៅក្នុង Central Java មានអាយុចន្លោះពី ១៣ ទៅ ១៦ ឆ្នាំ ត្រូវបានចាប់ខ្លួនដោយអាជ្ញាធរ បន្ទាប់ពីតាមទាន់ពួកគេកំពុងសាកល្បងជាមួយ «វិធីដ៏មិនធម្មតា» នេះ ។
យោងតាមលោក Suprinarto ប្រធានភ្នាក់ងារគ្រឿងញៀនជាតិនៅក្នុងខេត្ត Central Java, នោះក្ល័រ (ធាតុគីមី) ដែលត្រូវបានផលិតឡើងដោយល្បាយដាំពុះ គឺអាចធ្វើឲ្យមានស្មារតីរវើរវាយ និងបង្កើតអារម្មណ៍ «ហោះហើរ» ស្រដៀងគ្នានឹងការប្រើប្រាស់គ្រឿងញៀនផងដែរ ។
លោក Suprinarto ត្រូវបានដកស្រង់សម្តីដោយនិយាយថា៖ «ទ្រនាប់សំដីអនាម័យ» ប្រើប្រាស់រួច ដែលពួកគេរើសយកចេញពីកន្លែងសំរាម ត្រូវបានដាក់នៅក្នុងទឹកដាំពុះ ។ ហើយបន្ទាប់ទុកវាឲ្យត្រជាក់ ពួកគេក៏យកទឹករបស់វាផឹករួមគ្នា» ៕ ដោយ៖ ឧត្តម (ប្រភព៖ nextshark, worldofbuzz)