តាកែវ ៖ ការស្នើសុំនេះគឺត្រូវបានលើកឡើងនៅក្នុងវេធិការផ្សព្វផ្សាយនិងពិគ្រោះយោបល់របស់ក្រុមប្រឹក្សាក្រុងដូនកែវ នាព្រឹកថ្ងៃទី ១៤ ខែវិច្ឆិកា២០១៨ នៅសាលប្រជុំទីចាត់ការផែនការវិនិយោគខេត្ត បន្ទាប់ពីមានការបើកអោយសួរជាសំនួររបស់សមាជិកក្រុមប្រឹក្សាខេត្តឯកឧត្តម អ៊ុយ ខេមរា និងលោក ខាន់ សុខា អភិបាលរងខេត្តតាកែវ ។ ប្រជាពលរដ្ឋដែលបានស្នើសុំអោយមានវិធានការតឹងរឹងចំពោះម្ចាស់ស្ថានីយ៏ប្រេងឥនន្ទៈដែលក្លែងបន្លំភ្នែកអតិថិជននោះ បានលើកឡើងថា មានប្រជាពលរដ្ឋច្រើនណាស់ម្នាក់ៗ មួយណាក៏មានយានជំនិះរបស់ខ្លួនរៀងខ្លួនៗ ហើយម្នាក់ៗសុទ្ធសឹងតែប្រើប្រាស់នៅប្រេងឥនន្ទៈទាំងអស់ បើសិនជានូវតែទុកអោយម្ចាស់ស្ថានីយ៍ប្រេងឥនន្ទៈដែលខូចៗទាំងនេះនៅតែបន្តក្លែងបន្លំភ្នែករបស់ប្រជាពលរដ្ឋបានទៀតនោះ មិនដឹងជាប្រជាពលរដ្ឋប៉ុន្មាននាក់នោះទេ ដែលទទួលរងនៅការខាតបង់ដោយមិនដឹងខ្លួនបែបនេះ ។
ពលរដ្ឋខាងលើបានបន្តថា កន្លងមកគេមិនដែលចាប់អារម្មណ៏ទៅលើការចាក់ប្រេង និងសង្កេតការប្រើប្រាស់ប្រេងនូវលើយានយន្តនោះទេ ក៏ប៉ុន្តែនៅពេលថ្មីៗនេះ មានមន្ត្រីជំនាញកាំកុងត្រូលមានរថយន្តពិសោធន៏ចល័ត បានចុះមកធ្វើការពិនិត្យជាក់ស្តែងនៅតាមស្ថានីយ៏ប្រេងឥន្ទនៈដល់កន្លែងតែម្តង ដោយរកឃើញថា មានស្ថានីយ៏ប្រេងឥន្ទនៈមួយចំនួនធំនៅក្នុងខេត្ត បាននិងកំពុងលួចក្លែងបន្លំភ្នែករបស់អតិថិជន ក្នុងការលក់ប្រេងឥន្ទនៈអោយអតិថិជនមិនគ្រប់លីត្រ និងមានខ្លះទៀត មានតែប្រេងសាំងធម្មតាទេ តែមានបិទលើទូរចាក់សាំងរបស់ខ្លួន ថាមានលក់ប្រេងស៊ុបពែដែរ ដើម្បីលក់បានថ្លៃជាងតម្លៃប្រេងធម្មតា ។
ជាកិច្ចឆ្លើយតបលើការស្នើសុំរបស់បងប្អូនប្រជាពលរដ្ឋខាងលើនេះ ឯកឧត្តម អ៊ុយ ខេមរា សមាជិកក្រុមប្រឹក្សាខេត្ត បានឆ្លើយយ៉ាងខ្លីថា គឺមានតែមន្ទីរជំនាញពាណិជ្ជកម្ម ដែលពាក់ព័ន្ធទៅលើបញ្ហានេះ រីឯកសមាជិកក្រុមប្រឹក្សាខេត្ត មិនមានសិទ្ធិកក្នុងការសម្រេចត្រូវមានវិធានការយ៉ាងណា ឬដាក់ទោសទាន់យ៉ាងម៉េចដែរ ។
ជុំវិញបញ្ហានេះក្រុមការងាររបស់យើងបានធ្វើការសំភាសន៍ទៅកាន់លោក ប៉ោ លាងគង់ ប្រធានសាខាកាំកុងត្រូលខេត្តតាកែវ នៅតាមទូរទ័ព្ទនាថ្ងៃទី១៤ វិច្ឆិកា នេះថា ចំពោះវិធានផ្លូវច្បាប់ទៅលើម្ចាស់ស្ថានីយ៍ប្រេងឥន្ទនៈដែល មិនមានអនុលោមភាពផ្នែកបរិមាណ និងផ្នែកគុណភាពនោះ គឺមន្ត្រីជំនាញរបស់យើងសុំយកប្រេងឥន្ទនៈទាំងនោះយកទៅពិនិត្យបន្តនៅអគ្គនាយកដ្ឋានកាំកុងត្រូល រួចធ្វើការផ្ទៀងផ្ទាត់គ្នាជាមួយ និងលទ្ធផលពិសោធន៍បឋមរបស់រថយន្តពិសោធន៍ចល័ត បើសិនជានៅតែដូចគ្នានោះ ម្ចាស់ស្ថានីយ៍ប្រេងឥន្ទនៈទាំងនោះ និងទទួលការពិន័យទៅតាមច្បាប់ ហើយបើសិនជានៅតែមិនកែ មានការរកឃើញបន្តទៀតនោះ ស្ថានីយ៏ប្រេងឥន្ទនៈនោះនិងត្រូវប្រឈរមុខបិទ ទ្វារចោលតែម្តង ។ លោកប៉ោ លាងគង់ បានបញ្ជាក់ថា នៅព្រឹកនេះដែរក្រុមការងាររបស់លោក រួមជាមួយរថយន្តពិសោធន៍ប្រេងឥន្ទនៈ បានរកឃើញថា មានស្ថាននីយ៍ប្រេងឥន្ទនៈចំនួន ០៦ទៀតហើយ ដែលមិនមានអនុលោមភាពផ្នែកបរិមាណ និងផ្នែកគុណភាព ដែលក្នុងនោះរួមមាន ទី០១ ស្ថានីយ៏ប្រេង L.H.R ក្រុងដូនកែវ សង្តាត់រកាក្រៅ ទី០២ ដេប៉ូ Tela សុខ ឫទ្ធី ភូមិព្រៃហ្ម ផ្លូវជាតិ ២ សង្តាត់រកាក្នុង ក្រុងដូនកែវ (មិនសហការ) ទី០៣ ដេប៉ូ Total សែ សុខ ម៉េង សំរោងយ៉ោង ភូមិស្មៅខ្ចី ផ្លូវជាតិលេខ២ ឃុំត្រពាំងសាប ស្រុកបាទី ទី០៤ ដេប៉ូ Tela ភាព សំណាង ពូនភ្នំ ផ្លូវជាតិលេខ២ ភូមិពូនភ្នំ ឃុំត្រពាំងសាប ស្រុកបាទី ទី០៥ ដេប៉ូ សាមិត្ត និស្ស័យ ភូមិខ្សឹង និងទី០៦ ដេប៉ូ រស្មីបញ្ញា ៕ ដោយ ៖ តាកែវ