ជាមួយនឹងការសន្យារបស់ខ្លួន លក់តំបន់ព្រៃដែលជាទីជម្រករបស់ពួកគេ (កុលសម្ព័ន្ធ) ដើម្បីផលប្រយោជន៍កសិពាណិជ្ជកម្ម និងរ៉ែ លោក Bolsonaro ប្រធានាធិបតីថ្មីរបស់ប្រេស៊ីលបាននិយាយជាចំហរថា «ជនជាតិភាគតិចនឹងត្រូវសម្របខ្លួន… ឬ បាត់ខ្លួនតែម្តង» ។
លោក Jair Bolsonaro ប្រធានាធិបតីថ្មីរបស់ប្រេស៊ីល បានបើកយុទ្ធនាការមួយលើផែនការលក់ផ្នែកសំខាន់ៗនៃតំបន់ព្រៃអាម៉ាហ្សូន ទៅឲ្យក្រុមហ៊ុនកសិពាណិជ្ជកម្ម, រ៉ែ និងវារីអគ្គិសនី ។
គាត់បាននិយាយនៅក្នុងយុទ្ធនាការថា៖ «ជនជាតិភាគតិចទាំងនោះ គឺត្រូវតែសម្របខ្លួនទៅនឹងសម្លេងភាគច្រើន ឬ បាត់ខ្លួនតែម្តង» ។ គាត់បានបន្ថែមថា៖ «គ្មានដី១សង់ទីម៉ែត្រការ៉េណាមួយរបស់ប្រេស៊ីល នឹងត្រូវបានបង្រុងទុកសម្រាប់ជនជាតិដើមភាគតិចនៅក្នុងប្រទេសឡើយ» ។
ដី ១៣% នៅក្នុងប្រទេសប្រេស៊ីល ត្រូវបានការពារជាទឹកដីរបស់ជនជាតិដើមភាគតិច នៅក្នុងព្រៃអាម៉ាហ្សូន ទីកន្លែងដែលកុលសម្ព័ន្ធមិនមានទំនាក់ទំនងជាមួយពិភពលោកភាគច្រើនជ្រកកោន ។ Bolsonaro បាននិយាយថា គាត់ចង់ដាក់ដីព្រៃទាំងអស់នោះ នៅលើផ្នែកដេញថ្លៃ ។
ចាប់តាំងគាត់ជាប់ឆ្នោតជាប្រធានាធិបតីកាលពីថ្ងៃទី២៨ តុលា លោក Bolsonaro បានប្រកាសច្របាច់បញ្ចូលគ្នារវាងក្រួសួងកសិកម្ម និងបរិស្ថាន -ដែលក្រោយមកត្រូវបានសន្មត់គ្រប់គ្រងតាមបែបអតីតកាល- បានក្លាយជា «ក្រសួងកំពូល» ដើម្បីមើលការខុសត្រូវផែនការរបស់គាត់ ៕ ដោយ៖ ឧត្តម (ប្រភព៖ returntonow)
