លោក Greg Woodcox និយាយថា គាត់អាចនឹងស្លាប់ដូចជាអ្នកជិតខាងមួយចំនួនប្រសិនបើគាត់មិនសម្រេចចិត្ត រត់តាមកញ្ជ្រោងមួយក្បាលដែលនាំលោកឱ្យទៅដល់ទឹកជ្រោះមួយកន្លែងដើម្បីត្រាំខ្លួនរង់ចាំរលកភ្លើងឆេះសន្ធោសន្ធៅ រំលងផុតទៅ។
លោកGreg Woodcox ដែលជាអ្នកនាំមុខរថយន្តមួយក្រុម បានរត់គេចេញពីរលកអគ្គិភ័យនៅ California ខាងជើង ដែលបានសម្លាប់មនុស្សអស់ជិត៥០នាក់ និយាយថា ៖ នៅតាមផ្លូវគេចខ្លួន គាត់បានសម្លឹងឃើញរថយន្តមួយចំនួនរបស់អ្នកជិតខាងបានត្រូវអគ្គិភ័យលេបត្របាក់គួរឱ្យរន្ធត់ ប៉ុន្តែលោកគ្មានវិធីអ្វីនឹងជួយបាន។ ដោយឡែកក្នុងក្រុមដែលលោកនាំផ្លូវនោះមាន៤នាក់បានរងគ្រោះដល់ជីវិតដែរ។
បុរសវ័យ ៥៨ឆ្នាំរូបនេះប្រាប់ថា ពួកយើងត្រូវបានឡោមព័ទ្ធដោយរលកភ្លើងសន្ធោសន្ធៅ ហើយស្ថានការណ៍ពិតជាអាក្រក់បំផុត។ ចៃដន្យពេលនោះបានក្រឡែកឃើញកញ្ជ្រោងមួយក្បាល ហើយក៏បើករថយន្ត Jeep ប្រដេញតាមវា។វាបាននាំលោកទៅជួបជ្រោះមួយ ហើយក៏ត្រាំរង់ចាំនៅក្នុងទឹកនោះប្រហែល៦០នាទី ទើបរលកភ្លើងថមថយចុះ។ លោកកាន់តែស្រឡាំងកាំងទៀតពេល ឃើញរថយន្តJeep របស់ខ្លួននៅឆេះមិនក្លាយជាផេះផង់៕សូយន