ហេតុការណ៍នេះកើតឡើងនៅថ្ងៃទី៨ ខែវិច្ឆិកា រវាងនាវាពិឃាតន័រវេស KNM Helge Ingstad ផ្ទុកមនុស្ស១៣៧នាក់ និងនាវាដឹកប្រេង Sola TS ដែលដឹកមនុស្ស២៣នាក់ ។ ការប៉ះទង្គិចនេះកើតឡើងនៅទីក្រុង Bergen ភាគខាងលិចប្រទេសន័រវេស។
ការប៉ះទង្គិចបានធ្វើឱ្យនាវា KNM Helge Ingstad ធ្លុះមួយប្រហោងធំ ហើយនាវិក៨នាក់រងរបួស ក្នុងពេលដែលនាវាដឹកប្រេងមានការខូចខាតតិចតួចប៉ុណ្ណោះ។ មកទល់យប់ថ្ងៃទី១២វិច្ឆិកា ដោយសារខ្សែកាបដែលគេសណ្តោងវាគងលើថ្មក្រោមទឹករង់ចាំការសង្គ្រោះត្រូវដាច់ ធ្វើឱ្យនាវាពិឃាតបានរអិលសន្សឹមៗធ្លាក់ទៅក្នុងសមុទ្រនៅសល់តែក្បាលរបស់វាប៉ុណ្ណោះ។
អាជ្ញាធរន័រវេសក្រៅពីប្រញាប់ប្រញាល់ធ្វើការប្រមូលប្រេងហូរចេញពីសាឡាង ក៏កំពុងបើកយុទ្ធនាការ ស្រង់យកនាវាខាងលើមកវិញ៕សូយន