នេះគឺជាបុណ្យសាសនាដ៏ចម្លែកមួយនៅក្នុងប្រទេសឥណ្ឌា ដោយសារតែអ្នកគោរពប្រតិបត្តិបានឲ្យគោទាំងហ្វូងដើរជាន់ពីលើពួកគេ។
សត្វគោនៅត្រូវប្រទេសឥណ្ឌា ត្រូវបានគេចាត់ទុកជាសត្វដ៏ពិសិដ្ឋ ហើយដូច្នេះអ្នកគោរពជំនឿនោះ ជឿជាក់ថា ការដែលត្រូវបានគោជាន់ពីលើពួកគេ វានឹងធ្វើឲ្យពួកគេមានលាភសំណាង និងចំរុងចម្រើនទៅមុខ។
បើតាមវីដេអូ ដែលថតបានក្នុងទីក្រុង Ujjain នៃរដ្ឋ Madhya Pradesh ប្រទេសឥណ្ឌា បានបង្ហាញថា មានបុរសៗជាច្រើនបានដេកផ្គាប់មុខដើម្បីរងចាំឲ្យគោមួយហ្វូងដើរមកជាន់ពីលើ
ពួកគេ។
គោទាំងនោះត្រូវបានគេតុបតែងជាមួយនឹងកម្រងផ្កា មុនពេលពួកវាដើរជាន់លើបុរសៗអ្នកស្មគ្រ័ចិត្ត។
មនុស្សជាច្រើនបានរងរបួសដោយសារតែគោជាន់នៅក្នុងពិធីនោះ ទោះយ៉ាងណាអ្នកគោរពបូជាមានអបិយជំនឿថា ពួកគេនឹងជាសះស្បើយវិញ។ ហើយគេក៏ជឿជាក់ផងដែរថា វាអាចនាំលាភសំណាង និងភាពចំរុងចម្រើនដល់អ្នកចូលរួម ព្រមទាំងក្រុមគ្រួសាររបស់ពួកគេ។
ជាធម្មតា គោមួយក្បាលនៅក្នុងប្រទេសឥណ្ឌាអាចមានទម្ងន់ ១៣៧គីឡូក្រាម៕ សុភ័ក្ត្រ
ប្រភព៖ mirror
