ស្ត្រីម្នាក់ បានយកសាកសពប្តីរបស់ខ្លួនដើម្បីឲ្យគេប្រលះស្បែកយករូបសាក់ ដើម្បីដាក់តាំងនៅជញ្ជាំង ដែលការធ្វើដូច្នេះ គឺជាការសម្រេចបំណងចុងក្រោយរបស់ប្តីរបស់គាត់។
លោក Chris Wenzel អាយុ ៤១ ដែលជាអ្នកជំនាញសាករូបលើដងខ្លួន បានដឹងថាខ្លួនគាត់នឹងស្លាប់ ដូច្នេះគាត់បានសុំប្រពន្ធគាត់ឈ្មើ Cheryl ឲ្យធ្វើរឿងមួយសម្រាប់គាត់ជាលើកចុងក្រោយ ដោយគាត់ឲ្យប្រពន្ធគាត់ព្រលះស្បែកកន្លែងមានរូបសាក ដើម្បីរក្សាទុក មុនគេគាត់ត្រូវគេយកទៅបញ្ចុះ។
ការស្នើឲ្យប្រពន្ធធ្វើដូច្នោះ គឺដោយសារគាត់ចង់ឲ្យកូនៗ និងចៅរបស់គាត់កោតសរសើរពីស្នាដៃសាក់របស់គាត់ជាច្រើនឆ្នាំ ក្រោយពេលគាត់លាចាកលោកទៅ។
អ្នកស្រី Cheryl រស់នៅក្នុងទីក្រុង Saskatoon នៃប្រទេសកាណាដា បានប្រាប់សារពត៌មាន The Globe and Mail ដូច្នេះថា “គាត់មិនខ្វល់ពីអ្វីច្រើនឡើយ ហើយគាត់នឹងធ្វើវាឲ្យបានតាមបំណងប្តី។”
“អ្នកអាចព្យូររូបភាពនៅលើជញ្ជាំងបាន។ ការសាក់គឺជាអ្វីដែលគេបានធ្វើរាប់រយឆ្នាំមកហើយ”។
បើតាមការចុះផ្សាយ លោក Chris Wenzel បានកើតជំងឺម្យ៉ាងដែលធ្វើឲ្យបេះដូងរបស់គាត់ ដើរលឿន ឬដើរខុសប្លែកពីធម្មតា។ គាត់បានស្លាប់បាត់បង់ជីវិតពេលកំពុងគេងលក់ កាលពីខែតុលាកន្លងទៅ បន្ទាប់ពីគាត់រអ៊ូថា គាត់ឈឺទ្រូងខ្លាំង៕ សុភ័ក្ត្រ
ប្រភព៖ Mirror
