ម្ចាស់ផ្ទះមានមានការភ័យខ្លាចយ៉ាងខ្លាំងដោយសារតែខ្មោចលង បន្ទាប់ពីកាមេរ៉ាសុវត្ថិភាពថតជាប់ខ្មោចទាំងកណ្តាលថ្ងៃ មកគោះទ្វារផ្ទះរបស់គាត់។
ហេតុការណ៍ដ៏ព្រឺព្រួចនោះកើតឡើង ខណៈពេលអ្នកស្រី Meni Pitoscia អាយុ ៤៦ឆ្នាំ កំពុងតែរង់ចាំគេដឹកវ៉ាន់យកមកផ្ទះរបស់គាត់។
បើតាមកាមេរ៉ាសុវត្ថិភាពបានបង្ហាញថា មានស្រមោលស្ទង់ៗមួយបានហើរកាត់កាមេរ៉ា ហើយសំដៅចូលមកកាន់ទ្វារ។
អ្នកស្រី Meni Pitoscia រស់នៅក្នុងទីក្រុង Vaughan ប្រទេសកាណាដា បាននិយាយថា “ឆ្កែរបស់ខ្ញុំចាប់ផ្តើមព្រុះ និងបានរត់សំដៅទៅកាន់ទ្វារ។ ខ្ញុំកំពុងតែរង់ចាំគេដឹកឥវ៉ាន់យកមកអោយ ដូច្នេះខ្ញុំគិតថា ប្រហែលគេមកដល់ហើយ”។
នៅពេលអ្នកស្រីមើលតាមបង្អួចចេញពីក្នុងផ្ទះ អ្នកស្រីមិនឃើញមាននរណាសោះឈរនៅមុខទ្វារ ឬក៏មិនមានឃើញនរណាគេមកដល់សោះ ដូច្នេះអ្នកស្រីក៏គិតថា ឆ្កែព្រុះដោយសារតែវាលឺសម្លេងនៅខាងក្រៅ។
បន្ទាប់ពីមិនឃើញមាននរណាសោះមក អ្នកស្រីក៏ត្រឡប់ទៅកាន់ផ្ទះបាយវិញ ហើយពេលនោះអ្នកស្រីក៏បានទទួលសារមួយក្នុងទូរស័ព្ទ ដោយមានសរសេរថា “មានកណ្តឹងផ្ទះរោទិ៍” ហើយគាត់ក៏បានទៅមើលវីដេអូដែលថតដោយកាមេរ៉ា និងបានលាន់មាត់ថា “តើនោះជាអ្វី”?
បើតាមវីដេអូដដែល ស្រមោលនោះចេញមកពីកៅអីវែងខាងស្តាំ ដែលកៅអីនោះ អ្នកជិតខាងម្នាក់ បានអោយអ្នកស្រី មុនពេលគាត់ស្លាប់។
ឃើញស្រមោលនោះចេញពីកៅអី ធ្វើឲ្យអ្នកស្រីនឹកឃើញថា វាជាកៅអីដែលអ្នកជិតខាងដ៏ជិតស្និទ្ធម្នាក់អោយគាត់ មុនពេលគេស្លាប់។ ការនិយាយគ្នាលើកចុងក្រោយរបស់អ្នកស្រីជាមួយនឹងអ្នកជិតខាងនោះគឺអង្គុយនៅលើកៅអីនោះ៕ សុភ័ក្ត្រ
ប្រភព៖ Mirror
