ចែករំលែករឿងរ៉ាវគួរឲ្យមោទនភាពសម្រាប់ខ្លួនឯង នៅលើបណ្តាញសង្គម ដើម្បីឲ្យមិត្តៗភក្តិ ក៏ដូចជាហ្វេនៗបានដឹង បុរសម្នាក់បានរៀបរាប់ដំណើររឿងកោតសរសើរដល់ចិត្តប្រពន្ធជាទីស្រលាញ់របស់គាត់យ៉ាងខ្លាំង ដែលនាងមានរូបសម្រស់ស្អាត ហើយមានបុរសៗអ្នកមានលុយ ឡានទំនើបៗតាមស្រលាញ់យ៉ាងច្រើន ប៉ុន្តែ នាងមិនស្រលាញ់គេទេ ដោយសុខចិត្តទទួលយករូបគាត់ជាប្តី ដែលទាំងខ្លួនឯងគាត់មុខពោរពេញទៅដោយមុន និងសន្លាកដ៏សែនយ៉ាប់ខ្លាំង សឹងតែពុំចង់ឆ្លុះកញ្ចក់មើលខ្លួនឯងនោះទេ ហើយថែមទាំងគ្មានលុយ និងសម្ភារៈប្រើប្រាស់ទំនើបៗដូចអ្នកដទៃបែបនេះ ។
យោងតាមគណនីហ្វេសបុកឈ្មោះ Phon Borey បានសរសេររៀបរាប់ថា៖ «កាលពី ពីរឆ្នាំមុន មុខខ្ញុំសុទ្ធតែមុននិងស្នាមសន្លាក ហើយខ្ញុំមិនជឿថាប្រពន្ធខ្ញុំព្រមស្រលាញ់ខ្ញុំនោះទេ ដោយមានប្រុសៗអ្នកមានលុយ ឡានទំនើបៗតាមស្រលាញ់នាងច្រើនដែល។ ខ្ញុំដឹង ប៉ុន្តែខ្ញុំធ្វើធម្មតា ទាំងដឹងថាខ្លួនគ្មានលុយ គ្មានអ្វីគ្រប់យ៉ាង សូម្បីតែម៉ូតូ ក៏ប្រពន្ធជាអ្នកអោយខ្ចីជិះទៀត ខ្ញុំចាំបានថាកាលនោះ នាងបានបង្ចំខ្ញុំអោយខ្ចីលុយ នាងបួនដង បើគ្មានលុយចាយ មានណា គឺខ្ញុំចាញ់បោកគេទេ គេអោយយកលុយនិងទៅប៉ាវគេញាុំអីវិញ! រាល់ថ្ងៃនៅជំពាក់លុយប្រពន្ធ 200$ ទៀត ជំពាក់គ្រប់យ៉ាងលូវ ???ប្រសិនបើកាលនោះប្រពន្ធខ្ញុំជ្រើសរើសយក អ្នកដែលមានលុយឡានទាំងនោះមែន ខ្ញុំប្រហែលជាអាចជឿថា មនុស្សស្រីគឺសុទ្ធតែត្រូវការសំភារៈទាំងអស់នោះមែន ប៉ុន្តែវាមិនចឹង!» ៕ ដោយ៖ ចន្ទី
