Baiq Nuril Maknun អាយុ ៣៧ឆ្នាំ ជាគ្រូបង្រៀននៅកោះ Lombok ប្រទេសឥណ្ឌូណេស៊ី ព្រោះតែនាយកសាលារបស់នាងតែងរំខាន ហើយបង្ខំឲ្យនាងរួមភេទជាមួយក៏ថតទុកសំឡេងទាំងនោះ ។ ក្រោយមកអ្នកគ្រូម្នាក់ដែលរងសភាពដូចគ្នាបានយកខ្សែអាត់សំឡេងនេះ ធ្វើជាភស្តុតាងប្តឹងនាយកសាលា ។
អ្នកគ្រូបង្រៀន Baiq Nuril Maknun
គួរណាស់តែ Maknun ត្រូវបានសរសើរ ការពារ ប៉ុន្តែតុលាការជាន់ខ្ពស់ប្រទេសនេះ បានកាត់ទោសនាងឲ្យជាប់ពន្ធនាគារ ៦ខែ ហើយបង់ប្រាក់ពិន័យ ៥០០លាន Rupiah (ប្រមាណ ៣៤០០០ដុល្លារ) ទៅវិញ ។
តុលាការ “មហាអស្ចារ្យ” នោះបានងាកមកចោទប្រកាន់ថា នាងបានថតចម្លង ហើយចែកចាយឯកសារ “ពុំត្រឹមត្រូវ” ។
តាមតួលេខដែលរដ្ឋាភិបាលប្រទេសនេះប្រកាសជាសាធារណៈនៅឆ្នាំ ២០១៧ មានស្ត្រីឥណ្ឌូណេស៊ី ១/៣ ត្រូវប្រឈមមុខនឹងហិង្សារាងកាយ ឬផ្លូវភេទ ។
ពិតណាស់! សង្គម និងគ្រួសារនាងបាននឹងកំពុងស្វែងរកវិធីធ្វើយ៉ាងណាឲ្យ “យុត្តិធម៌ត្រូវបានអនុវត្ត” ។
ប៉ុន្តែ… ។
ចន្ទ្រា