អ្នកទេសចរណ៍ជនជាតិកាណាដាអាយុ ៣៨ ឆ្នាំម្នាក់ បានរងរបួស បន្ទាប់ពីគាត់បានធ្លាក់ចេញពីខ្នងដំរីផ្តល់សេវាជិះកំសាន្ត នៅកន្លែងជំរុំដំរី ក្បែរភ្នំ Nark Kerd Hill ក្នុងតំបន់ Chalong នាប្រទេសថៃ កាលពីថ្ងៃព្រហស្បតិ៍ ។
លោក Wirawit Pakprom ដែលជាអ្នកបរដំរី បានប្រាប់ប៉ូលីសថា ស្ត្រីទេសចរម្នាក់ និងមិត្តភក្តិប្រុសម្នាក់របស់នាង កំពុងជិះលើសត្វដំរីអាយុ ១៦ ឆ្នាំ ដែលមានឈ្មោះថា “Plai Benz” ។
បើតាមរបាយការណ៍ដំបូងមួយ បាននិយាយថា ដំរីនោះកំពុងស៊ីម្នាស់នៅឯផ្នែកម្ខាងនៃផ្លូវធ្វើដំណើរ ដែលស្ថិតនៅចម្ងាយប្រហែល ៨០ ម៉ែត្រ ពីចំណុចជិះដំរី ។
ស្ត្រីកាណាដានោះ បានកំពុងថតរូបភាពជាច្រើន ហើយពុំបានកាន់កៅអីសុវត្ថិភាពនោះទេ នៅពេលដំរីរង្គើរខ្លួនរបស់វា ហើយនាងក៏បានធ្លាក់ទៅដីតែម្តង ។
នៅពេលនាងធ្លាក់ ដំរីនោះបានភ័យស្លន់ស្លោ និងរុញជើងខាងឆ្វេងរបស់នាងជាមួយភ្លក់របស់វា ។
ក្នុងករណីគួរឲ្យភ្ញាក់ផ្អើលនេះ ប៉ូលីស Chalong ក៏បានចុះទៅសួរសុខទុក្ខជនរងគ្រោះនៅឯមន្ទីរពេទ្យផងដែរ ៕ ដោយ៖ ចន្ទី (ប្រភព៖ Nation)
