ភ្នំពេញ ៖ អ្នកនាំពាក្យក្រសួងការពារជាតិ សូមប្រកាសច្រានចោលទាំងស្រុងនូវការចុះផ្សាយរបស់ សារព័ត៌មាន Asia Times ដែលលាបពណ៌ ញុះញង់ ធ្វើឱ្យប៉ះពាល់ដល់ កេត្យានុភាពវិស័យយោធា និង អព្យាក្រឹតអចិន្ត្រៃយ៍របស់កម្ពុជា។
បើតាមសេចក្តីថ្លែងការណ៍ ក្រសួងការពារជាតិកម្ពុជា តាមរយៈអ្នកនាំពាក្យនាយឧត្តមសេនីយ៍ ឈុំ សុជាត នៅថ្ងៃទី១៧ ខែវិច្ឆិកា ឆ្នាំ២០១៨នេះ បាន ទាត់ចោល នូវការចុះផ្សាយរបស់សារ ព័ត៌មានបរទេសមួយចំនួន ក្នុងនោះមានទាំងសារព័ត៌មាន Asia Times ផង ដែរ ដែលថា កម្ពុជាបានអនុញ្ញាតឱ្យប្រទេសដទៃ ដែលទំនងសំដៅដល់ប្រទេសចិន ប្រើប្រាស់ទឹកដីកកម្ពុជា ធ្វើជាមូលដ្ឋានយោធា។
អ្នកនាំពាក្យក្រសួងការពារជាតិ បានចាត់ទុកថា នេះគ្រាន់តែជាដំណឹងក្លែងក្លាយ (Fake News) ដែលក្រុមបរទេសមួយចំនួន ព្យាយាមផ្សព្វផ្សាយចោទប្រកាន់មកលើកម្ពុជា ក្នុងចេតនាអាក្រក់ ញុះញង់ ដើម្បីបំភាន់សាធារណជនជាតិ-អន្តរជាតិ និងជាចេតនាបំផ្លាញដល់ ឯករាជ្យ ភាពអព្យាក្រឹត្យអចិន្ត្រៃយ៍របស់កម្ពុជាតែប៉ុណ្ណោះ៕ ដោយ ៖ រចនា
ខាងក្រោមនេះ ជាសេចក្តីថ្លែងការណ៍របស់អ្នកនាំពាក្យក្រសួងការពារជាតិ ៖
