បន្ទាយមានជ័យ៖ ស្ត្រីម្នាក់ត្រូវបានឃាតករ សម្លាប់រួចអូសទៅដាក់ក្នុងវាលស្រែ នៅម៉ោង៧និង៣០នាទីយប់ ថ្ងៃទី១៦ ខែវិច្ឆិកា ឆ្នាំ២០១៨ ស្ថិតក្នុងភូមិសាស្ត្រភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ត្រង់ម្តុំត្រពាំងក្បាលក្របី។
ប្រភពព័ត៌មានពីសមត្ថកិច្ចនគរបាលឃុំឈ្នួរ បានឲ្យដឹងថា ៖ជនរងគ្រោះឈ្មោះឃូន ឃីន អាយុ៤៩ឆ្នាំនៅភូមិឈ្នួរ ឃុំឈ្នួមានជ័យ ស្រុកព្រះនេត្រព្រះ ខេត្តបន្ទាយមានជ័យ ជាស្ត្រីមេម៉ាយ។ មុនពេលកើតហេតុ បើតាមការបំភ្លឺ ពីក្រុមគ្រួសារជនរងគ្រោះ ឲ្យដឹងថា នៅម៉ោងប្រហែល៩ព្រឹក ក្រោយពេលហូបបាយរួចជនរងគ្រោះបានជិះកង់ចេញពីផ្ទះ ទៅរកត្រីនៅឯវាល ដោយបាចទឹកតាមប្រឡាយដើម្បីចាប់ត្រី។ លុះដល់ល្ងាចមិនឃើញ ជនរងគ្រោះត្រឡប់មកផ្ទះវិញ នៅម៉ោង៦យប់ កូនបានចេញទៅរកនៅឯវាលស្រែ រហូតដល់ម៉ោង៧និង៣០នាទីយប់ បានប្រទះឃើញជនរងគ្រោះដេកស្លាប់ នៅក្នុងស្រែដើមស្រូវ ដែលមានម្ចាស់ស្រែឈ្មោះភូ នាមភេទប្រុ សអាយុ៦៤ឆ្នាំ នៅភូមិប្ញស្សីខាង ឃុំឈ្នួរមានជ័យ ស្រុកព្រះនេត្រព្រះ។
ប្រភពដដែលបានបញ្ជាក់ទៀតថា៖ ក្រោយពីទទួលបានព័ត៌មាន កម្លាំងនគរបាលជំនាញ បានចុះទៅដល់កន្លែងកើតហេតុ សពជនរងគ្រោះបានដេកស្លាប់ នៅក្នុងស្រែខាងកើតភ្លឺស្រែចំងាយ៧ម៉ែត្រ ក្បាលសណ្តូកទៅកើត ផ្កាប់មុខ មានចងដៃទាំង២មកក្រោយ ដោយខ្សែសម្រាប់ចងស្បែកជើង ពណ៌ស នៅត្រង់ក មានចងរឹតដោយខ្សែនីឡុង ពណ៌លឿង នៅលើរង្វង់ភ្នែក ទាំងសងខាងមានស្នាមជាំ។ តាមការធ្វើកោសល្យវិច័យនិងពិនិត្យលើសពជនរងគ្រោះ អាចជនល្មើស វាយឲ្យដួលរួចចាប់ចងដៃមកក្រោយ ហើយយកខ្សែចងរឹតកសម្លាប់ ក្នុងប្រឡាយនៅជាប់ខាងលិចភ្លឺស្រែ ចំងាយ៣ម៉ែត្រដែលមានសភាពទឹកតិចៗ ហើយអូសសពយក ទៅចោលក្នុងស្រែ។ បច្ចុប្បន្នកម្លាំងជំនាញខេត្តបន្ទាយមានជ័យ កំពុង ស្វែងរកចាប់ខ្លួន ជនសង្ស័យយកមផ្តន្ទាទោសតាមផ្លូវច្បាប់ ៕ ដោយ៖កូឡាប
