ខេត្តព្រះសីហនុ ៖ កម្លាំងការិយាល័យបទល្មើសគ្រឿងញុៀន នៃកងរាជអាវុធហត្ថខេត្តព្រះសីហនុកាលពីថ្ងៃទី១៧ ខែវិច្ឆិកា ឆ្នាំ២០១៨
នេះ បានកសាងសំណុំរឿងបទល្មើសគ្រឿងញៀន ៣នាក់ និងវត្ថុតាងទៅសាលាដំបូងខេត្តព្រះសីហនុ ដើម្បីបន្តនីតិវិធីតាមផ្លូវច្បាប់។
ជនសង្ស័យទាំង៣នាក់ ជាប់ពាក់ព័ន្ធករណីជួញដូរគ្រឿងញៀនបង្ក្រាបកាលពីថ្ងៃទី១៥ ខែវិច្ឆិកា ឆ្នាំ២០១៨ នៅចំណុចក្រុម៥ ភូមិ១សង្កាត់លេខ២ ក្រុងព្រះសីហនុ ដោយឃាត់ខ្លួនជនសង្ស័យចំនួន៣នាក់ ៖
១- ឈ្មោះ កុយ ឆែ ភេទប្រុស អាយុ ៣៤ឆ្នាំ ជនជាតិខ្មែរ មុខរបរមេការសំណង់។ ស្រុកកំណើតភូមិចំការ ៣ឃុំកំពង់ទឹក ស្រុកដំណក់ចង្អើរ ខេត្តកែប បច្នុប្បន្ននៅភូមិ៥ សង្កាត់លេខ៤នក្រុងព្រះសីហនុ។ ២- ឈ្មោះ អាង ចន្នី ភេទប្រុសអាយុ ២៧ឆ្នាំ ជនជាតិខ្មែរ មុខរបរបើកបរ ស្រុកកំណើតនឹងបច្នុប្បន្ននៅក្រុម ២៧ភូមិ៣ សង្កាត់លេខ៣ ក្រុងព្រះសីហនុ។
៣- ឈ្មោះ ហែម រតនៈ ភេទប្រុស អាយុ ២៦ឆ្នាំ ជនជាតិខ្មែរមុខរបរកម្មករ ស្រុកកំណើតភូមិព្រៀល ឃុំតាកែន ស្រុកឈូក ខេត្តកំពត បច្នុប្បន្ន រស់នៅភូមិ១ សង្កាត់លេខ១ ក្រុងព្រះសីហនុ។
សកម្មភាពនេះ កម្លាំងកងរាជអាវុធហត្ថ ខេត្តព្រះសីហនុ បានដកហូតវត្ថុតាងរួមមាន៖ ម្សៅសថ្លា ចំនួន ៣កញ្ចប់ ស្មើ ២,៦៥ក្រាម(ទម្ងន់សុទ្ធ)
២- ទូរស័ព្ទ ចំនួន៣គ្រឿង
៣- ម៉ូតូចំនួន១គ្រឿង៕ ដោយ៖ ដែន សីមា