ស្ត្រីម្នាក់ដែលត្រូវបានសន្មត់ថាបានខកជើងហោះហើររបស់នាង ចាកចេញពីព្រលានយន្តហោះអន្តរជាតិ Ngurah Rai នៅកោះ Bali ប្រទេសឥណ្ឌូនេស៊ី ដោយសារជាប់ស្ទះចរាចរណ៍នៅតាមផ្លូវ ត្រូវបានចាប់ឃាត់ដោយសន្តិសុខ ខណៈនាងព្យាយាមដេញតាមយន្តហោះ នៅលើផ្លូវហោះហើរ កាលពីថ្ងៃអាទិត្យម្សិលមិញ ។
យ៉ាងណាមិញ វីដេអូឃ្លីបដែលបានបង្ហាញស្ត្រីម្នាក់ត្រូវបានចាប់ឃាត់ និងបន្ទាប់មក ច្រានទៅនឹងដី ខណៈនាងព្យាយាមដេញតាមឡើងជិះយន្តហោះ បានកំពុងរីករាលនៅលើបណ្តាញសង្គម នៅក្នុងប្រទេសឥណ្ឌូនេស៊ី ។
ជើងហោះហើរ Citilink QG193 ត្រូវបានដឹងថា បានកំពុងធ្វើដំណើរទៅកាន់អាកាសយានដ្ឋាន Halim Perdanakusuma នៃទីក្រុងហ្សាកាតា ជាមួយនឹងពេលវេលាចាកចេញដំណើរនៅម៉ោង ៧ និង ២០ នាទីព្រឹក ។
ក្រុមហ៊ុនអាកាសចរណ៍នេះ មិនបានបញ្ជាក់ថា តើហេតុអ្វីបានជាស្ត្រីអាចចូលបំបែករបាំងសន្តិសុខ ចូលទៅដល់ក្នុងកណ្តាលផ្លូវហោះហើរ ដោយងាយស្រួលបែបនេះនោះទេ ។
លោក Rathy Astari R ដែលជាលេខាធិការរបស់ PT Citilink Indonesia VPR & CSR ដែលបានដកស្រង់សម្តីដោយ Liputan6 បានបញ្ជាក់ឲ្យដឹងថា៖ «ហេតុការណ៍នេះបានកើតឡើងនៅវេលាម៉ោង ៧ និង ១០ នាទីព្រឹក ។ អ្នកដំណើរម្នាក់ដែលមកយឺតសម្រាប់ជើងយន្តហោះរបស់នាង បានបុកទម្លុះឆ្លងកាត់ច្រកទ្វារ ដែលត្រូវបានកាង់ការពារមន្ត្រីរបស់ Citilink និងមន្ត្រីព្រលានយន្តហោះ ។ ជើងហោះហើរ QG193 ត្រូវបានកំណត់វេលាចេញដំណើរនៅម៉ោង ៧ និង២០ នាទី» ។
ទោះយ៉ាងណា បន្ទាប់ពីស្ត្រីរូបនោះត្រូវបាននាំចេញពីផ្លូវហោះហើរ ហើយប្រកាសថា «ហោះហើរមានសុវត្ថិភាព», Citilink ក៏បាននាំនាងទៅកាន់ជើងហោះហើរ QG683 Denpasar សម្រាប់ការហោះហើររបស់នាងទៅកាន់ Soekarno-Hatta (អាកាសយានដ្ឋានដ៏សំខាន់មួយនៅក្នុងទីក្រុងហ្សាកាតា) នៅវេលាម៉ោង ៤ និង ៤០ នាទីល្ងាច ៕ ដោយ៖ ឧត្តម (ប្រភព៖ coconuts)