លោក Li Zhongkay ត្រូវបានមន្ទិលសង្ស័យថា បានកែប្រែកំណើតដើម្បីមានពេល “វែង” សម្រាប់ដំណើរ “ឆ្ងាយ” ស្វែងរកបុណ្យសក្តិ ។ ព្រោះថា មុខលោកវា “ចាស់”ជាងវ័យ ៣៨ឆ្នាំ។
លោក Li Zhong Kai ប្រធានគណបក្សប្រជុំជន Wanbi ខេត្តវូណាន ប្រទេសចិន ដែលទើបត្រូវបានតែងតាំងជាអនុប្រធានគណបក្សប្រចាំតំបន់នេះ ។
តាម SCMP ប្រវត្តិ និងរូបថតរបស់លោក Li Zhong Kai មន្ត្រីខេត្តវូណាន ប្រទេសចិនថ្មីៗនេះ បានរាលដាលផ្ទុះក្លាយជារឿងធំ គ្រាដែលបណ្តាញសង្គមឈ្លោះប្រកែកគ្នារឿង… អាយុរបស់គាត់ ។
តាមនោះ “ព្រះភ័ក្ត្រ” របស់លោក Li គឺប្រហែលចន្លោះពី ៥០-៦០ឆ្នាំ តែប្រវត្តិរូបគឺកើតនៅខែ ៨/១៩៨០ មានន័យថាទើបគម្រប់៣៨ឆ្នាំប៉ុណ្ណោះ ។ ប៉ុន្តែមតិគាំទ្រថាមកពីលោកគិតរឿង “ប្រទេសជាតិ” ច្រើនពេក ទើបចាស់មុនអាយុ ។
ប៉ុន្តែរដ្ឋអំណាចប្រចាំតំបន់បានប្រកាសថា ឆ្នាំកំណើតរបស់គាត់គឺពិត ។ ភាពចំណាស់មុនអាយុនេះ មកពីគាត់ត្រូវប្រឈមនឹងការលុបបំបាត់ភាពក្រីក្រនៅតាមភូមិដាច់ស្រយាល ។
លោក Li Zhong Kai (ស្តាំបង្អស់)
លោក Li ខ្លួនឯងឆ្លើយយ៉ាងខ្លីថា ៖ ខ្ញុំក៏ពុំដឹងពីមូលហេតុអ្វីដែរ សក់ខ្ញុំស្កូវយូរមកហើយ ។
យ៉ាងណានេះជារឿងស្រុកចិន ចុះស្រុកខ្មែរវិញនោះ? តាមប្រិយមិត្តករណី “ពន្យាកំណើត” តើមានដែរឬទេ!?
ចន្ទ្រា