ឆ្នាំជូត ៖ ការងារ មិនអំណោយផលល្អ ជួបរឿងស្មុគស្មាញច្រើន ។ លុយកាក់ គួរសន្សំសំចៃ បញ្ចៀសការត្រូវខ្ចីបុលអ្នកដទៃ ។មនោសញ្ចេតនា ប្រយ័ត្នពាក្យសម្តី កុំបង្កការអាក់អន់ចិត្តគ្នា ។
ឆ្នាំឆ្លូវ ៖ ការងារ មិននឹងនរ អាចត្រូវទៅបេសកម្មផ្លូវឆ្ងាយ ។ លុយកាក់ រងសម្ពាធហិរញវត្ថុច្រើន ។ មនោសញ្ចេតនា កើតមានទំនាស់ក្នុងរឿងមនោសញ្ចេតនា ។
ឆ្នាំខាល ៖ ការងារ ប្រយ័ត្នបញ្ចៀសកុំឲ្យកើតមានកំហុសក្នុងការងារ ។ លុយកាក់ គួរថ្លឹងថ្លែងឲ្យល្អិតល្អន់មុនពេលសម្រេចចិត្តវិនិយោគ ។ មនោសញ្ចេតនា មិនល្អហាក់មានភាពកក្រោះនឹងគ្នា ។
ឆ្នាំថោះ ៖ ការងារ រលូនល្អ គ្រប់យ៉ាងប្រព្រឹត្តទៅដូចបំណង ។ លុយកាក់ ទទួលបានប្រាក់ចំណេញច្រើនពីការវិនិយោគ ។ មនោសញ្ចេតនា ជាថ្ងៃដ៏ល្អសម្រាប់ការបង្ហាញក្តីស្រឡាញ់ ។
ឆ្នាំរោង ៖ ការងារ ប្រយ័ត្នពាក្យសម្តីដែលនាំឲ្យបង្កទំនាស់ក្នុងការងារ ។ លុយកាក់ ត្រូវទុកដាក់របស់របរ លុយកាក់ឲ្យគត់មត់បញ្ចៀសត្រូវបាត់បង់ ។ មនោសញ្ចេតនា គួរប្រើសម្តីទន់ភ្លន់ជាមួយមនុស្សដែលខ្លួនស្រឡាញ់ ។
ឆ្នាំម្សាញ់ ៖ ការងារ ត្រូវចេះអត់ធ្មត់ និងរៀនសូត្របទពិសោធន៍ពីអ្នកមុនៗ ។ លុយកាក់ ថ្ងៃនេះមិនល្អសម្រាប់ការធ្វើការសម្រេចចិត្តធំៗពាក់ព័ន្ធដល់ហិរញ្ញវត្ថុ ។ មនោសញ្ចេតនា គួរលៃពេលវេលាឲ្យបានច្រើនសម្រាប់មនុស្សជាទីស្រឡាញ់ ។
ឆ្នាំមមី ៖ ការងារ រវល់ច្រើនធ្វើឲ្យស្មារតីនឿយណាយ អស់កម្លាំង ។ លុយកាក់ ស្ថានភាពហិរញ្ញវត្ថុវិវត្តន៍ល្អប្រសើរ ប្រភពចំណូលកើនឡើង ។ មនោសញ្ចេតនា មានឱកាសបានជួបមនុស្សដែលខ្លួនពេញចិត្ត ។
ឆ្នាំមមែ ៖ ការងារ មិនត្រូវប្រឹងប្រែងហួសកម្លាំង ត្រូវលៃពេលសម្រាកឲ្យបានគ្រប់គ្រាន់ ។ លុយកាក់ មិនល្អ ចំណូលតិច ចំណាយច្រើន ។ មនោសញ្ចេតនា គួរគោរពថែរក្សាមនោសញ្ចេតនា បច្ចុប្បន្នឲ្យគង់វង្ស ។
ឆ្នាំវក ៖ ការងារ ត្រូវចេះសម្របខ្លួនជាមួយគ្រប់គ្នានៅជុំវិញ ទើបការងាររីកចម្រើន ។ លុយកាក់ ធម្មតា ពុំមានអ្វីប្រែប្រួល ។ មនោសញ្ចេតនា ត្រូវសកម្ម ម្ចាស់ការក្នុងរឿងមនោសញ្ចេតនា ។
ឆ្នាំរកា ៖ ការងារ គួរពិភាក្សាការងារជាមួយថ្នាក់លើឲ្យម៉ត់ចត់ កុំធ្វើអ្វីដោយអត្តនោម័ត ។ លុយកាក់ ទទួលបានប្រាក់ចំណេញបីបណ្តាខ្ទង់វិនិយោគសមស្របមុនៗនេះ ។ មនោសញ្ចេតនា ល្អប្រសើរ ។
ឆ្នាំចរ ៖ ការងារ ថ្ងៃនេះមិនត្រូវធ្វេសប្រហែស ព្រោះងាយកើតមានកំហុសក្នុងការងារ ។ លុយកាក់ ជាថ្ងៃមិនសមស្របសម្រាប់ការស្វែងរកលាភចូល ។ មនោសញ្ចេតនា ត្រូវមានភាពជឿជាក់ចំពោះគ្នាក្នុងមនោសញ្ចេតនា ។
ឆ្នាំកុរ ៖ ការងារ ត្រូវចេះក្តាប់ឱកាសល្អៗនៅចំពោះមុខ ។ លុយកាក់ មានបន្ថែមខ្ទង់ចំណូលច្រើន ។ មនោសញ្ចេតនា ងាយកើតទំនាស់ ឈ្លោះប្រកែកគ្នា៕