ភ្នំពេញ ៖ នៅរសៀលថ្ងៃទី១៩ ខែវិច្ឆិកា ឆ្នាំ២០១៨នេះ រដ្ឋបាលរាជធានីភ្នំពេញ បានប្រារព្ធពិធីអុំទូកសាកល្បងរាជធានីភ្នំពេញ ក្រោមអធិបតីភាពលោកម៉ប់ សារិន ប្រធានក្រុមប្រឹក្សារាជធានីភ្នំពេញ លោកឃួង ស្រេង អភិបាលរាជធានីភ្នំពេញ និងលោកស្រី ជា ស៊ីណា ឃួង ស្រេង ដោយមានការចូលរួម ពីសំណាក់បងប្អូនប្រជាពលរដ្ឋ យ៉ាងសប្បាយរីករាយ នៅសួនតេជោមាសតេជោយ៉ត មុខវត្តឧណ្ណាលោម។ ពិធីអុំទូកសាកល្បង នៅមាត់ទន្លេមុខព្រះបរមរាជវាំង ដើម្បីត្រៀមចូលរួមប្រកួតជាផ្លូវការ។ ទូក ង របស់សាលារាជធានីភ្នំពេញ ចំនួន៤៦ទូក ស្មើ២៣គូ ។
ការអុំទូកសាកល្បងនេះ បានធ្វើឡើង ដើម្បីត្រៀមចូលរួមប្រកួតការប្រណាំង នៅថ្ងៃបុណ្យអុំទូក នាពេលខាងមុខនេះ គឺនៅថ្ងៃទី២១-២២-២៣ ខែវិច្ឆិកា ឆ្នាំ២០១៨នេះ៕ ដោយ ៖ កូឡាប
