ករណីប្តីកំហូចជាកូនកំលោះ ដែលបានលួចទៅរៀបការជាមួយស្រីថ្មី ហើយត្រូវប្រពន្ធតាមទាន់រហូតធ្វើឲ្យនាងស្លុតចិត្តដួលសន្លប់នៅមុខរោងការ បង្កការភ្ញាក់ផ្អើលដល់ភ្ញៀវមកចូលរួមស៊ីការយ៉ាងខ្លាំង កាលពីថ្ងៃទី១៨ ខែវិច្ឆិកា ឆ្នាំ២០១៨ ស្ថិតនៅក្នុងភូមិអង្គរកា ឃុំអង្កាញ់ ស្រុកទ្រាំង ខេត្តតាកែវ ។
បើលោកយាយដែលត្រូវជាម្តាយក្មេករបស់កូនកំលោះកំហូចនោះ បានរៀបរាប់ទាំងកំហឹងឈឺចាប់សឹងតែស្ទុះទៅលើកម្ហូបការចាក់ចោលខ្ទេចថា៖ «ដំឡូងឡើយ កូនប្រសារខ្ញុំហ្នឹង វាបបួលមី ណាត់ មីយ៉ា (ម្តាយ និងកូនក្រមុំ) ទៅរកស៊ីលក់បាយជាមួយគ្នានៅតាខ្មៅបាន១ឆ្នាំ … និងបន្ទាប់មក ក៏បានប្តូរលក់នៅលូប្រាំ (ផ្លូវវេងស្រេង) ។ ប៉ុន្តែ ខណៈពេលមកលក់នៅលូប្រាំ ពុំសូវដាច់ ក៏បែកគ្នា កូនស្រីខ្ញុំ (ត្រូវជាប្រពន្ធដើម) ក៏រើឥវ៉ាន់វិលត្រឡប់មកផ្ទះវិញ ។ ហើយ មីណាត់ស្អីហ្នឹង និងកូនប្រសារខ្ញុំ បានឈ្លោះជាមួយកូនស្រីរបស់ខ្ញុំ ទាក់ទងរឿងដេកនៅរួមប្រឡាក់ប្រឡូកជាមួយគ្នា នៅលើគ្រែ១ទំហំប្រហែល១ម៉ែត្រកន្លះ (ដេករួមរស់ជាមួយគ្នាទាំងម៉ែ ទាំងកូនស្រី) រហូតពោះធំ ហើយវាកៀបសព្វគ្រប់បែបយ៉ាង ដើម្បីឲ្យកូនប្រសាររបស់ខ្ញុំ រៀបការជាមួយកូនស្រីរបស់វារហូតដល់ពេលនេះតែម្តង…» ។
ទាក់ទងរឿងរ៉ាវផ្ទុះការភ្ញាក់ផ្អើលដ៏អាម៉ាសដល់ភ្ញៀវពេញរោងការនេះផងដែរ បើតាមលោកមេភូមិវ័យចំណាស់ម្នាក់ បានឲ្យបញ្ជាក់ទៅកាន់លោកយាយត្រូវជាម្តាយបង្កើតរបស់ស្ត្រីជាប្រពន្ធដើម និងសាច់ញាតិ នៅនឹងផ្ទះរបស់គាត់ថា រឿងរៀបការហ្នឹង គាត់បានដឹងឮ ប៉ុន្តែ សំរាប់រឿងចេញច្បាប់ឲ្យរៀបការ គឺអត់បានធ្វើឲ្យទេ បន្ទាប់ពីបានពិនិត្យឃើញថា ពុំមានសំបុត្រលែងលះគ្នាត្រឹមត្រូវតាមផ្លូវច្បាប់នោះ ហើយករណីនេះអាចធ្វើទៅបាន គាត់ក៏ពុំដឹងថាមេឃុំធ្វើឲ្យ ឬ យ៉ាងណានោះទេ ។
បន្ថែមពីនេះ លោកយាយដែលពោរពេញដោយកំហឹង ក៏បានបញ្ជាក់ប្រាប់បងប្អូនអ្នកភូមិនៅទីនោះថា៖ «តាមពិតទៅ មីណាត់ (ម៉ែ) ត្រូវជាក្មួយរបស់ខ្ញុំ រីឯកូនស្រីវាមីយ៉ា (កូនក្រមុំ) ជាចៅខ្ញុំ ប៉ុន្តែ មីយ៉ា វាមិនទៅស្រលាញ់ស្អីវា ធាតុពិត គឺមីសំផឹងម៉ែវាហ្នឹង ជាអ្នកធើស្អីៗគ្រប់បែបយ៉ាង ដើម្បីឈានដល់បានរៀបការថ្ងៃនេះ ។ ហើយនៅចុងក្រោយនៃវីដេអូ លោកយាយក៏បានបញ្ជាក់ម្តងទៀតថា លោកមេភូមិ មេឃុំ ពុំបានចេញច្បាប់ឲ្យរៀបការនេះទេ ហេតុនេះ លោកប្តីកំហូចនេះ ពិតជាថ្លើមធំណាស់ ៕ ដោយ៖ ចន្ទី
ចង់ជ្រាប់រឿងរ៉ាវនេះកាន់តែច្បាស់ សូមទស្សនាវីដេអូខាក្រោម៖