អ្នកស្រី Courtney Adeleye ជាសេដ្ឋីម្នាក់ បានទិញរថយន្តកាដូឱ្យអ្នកគ្រូបង្រៀនកូនស្រីខ្លួន បន្ទាប់ពីដឹងស្ថានភាពលំបាករបស់អ្នកគ្រូម្នាក់នេះ។
អ្នកស្រី Courtney Adeleye ចែករំលែកថា៖ «ប្តីរបស់ខ្ញុំបាននិយាយប្រាប់ខ្ញុំពីការលំបាករបស់អ្នកគ្រូនោះ ហើយសួរថា តើពួកយើងគួរធ្វីអ្វីទៅ។ ខ្ញុំឆ្លើយថា៖ បងមិនបាច់គិតទៀតទេ អូនមានការសម្រេចចិត្តរួចហើយ ។
ស្អែកឡើង អ្នកទាំងពីរបានសម្រេចទិញរថយន្ត Ford មួយគ្រឿងតម្លៃ 18.000 USD។
ក្នុងខ្សែវីដេអូ ត្រូវបានចែករំលែកលើបណ្តាញសង្គម អ្នកគ្រូរូបនេះបានសួរទៅកាន់អ្នកស្រី Courtney Adeleye អ្នកស្រីពុំមែននិយាយលែងទេឬ? ហើយក្រោយពីសម្លឹងឃើញរថយន្តពាក់បូដែលជាកាដូនោះ អ្នកគ្រូក៏ទ្រហោយំយ៉ាងខ្លាំង ព្រោះរំភើបពន់ពេក។
អ្នកគ្រូដែលមានសំណាងរូបនេះបានសរសេរលើ Instagram ថា៖ ខ្ញុំលែងត្រូវអង្គុយរង់ចាំឡានក្រុងពេលធ្លាក់ព្រិល ហើយក៏ពុំចាំបាច់អ្នកណាមកទទួលទៀត។ពិសេសអរគុណនូវទឹកចិត្តរបស់អាណាព្យាបាលសិស្ស៕លីសា
