ការលើកស្លាកយីហោផ្សេងៗដែលសរសេរពុំត្រឹមត្រូវ និងបកប្រែអក្សរខ្មែរខុស រហូតដល់ថ្នាក់ខ្លះអានពុំដាច់ ឃើញថាបច្ចុប្បន្ននេះ បានកំពុងកើតមានឡើងជាបន្តបន្ទាប់ ជាពិសេសគឺនៅខេត្តព្រះសីហនុតែម្តង ដែលបានលេចឡើងនៅលើអ៊ិនធើរណែត បង្កឲ្យមានការរិះគន់យ៉ាងខ្លាំងពីសំណាក់បងប្អូនអ្នកប្រើប្រាស់បណ្តាញសង្គម ។
យោងតាមគណនីហ្វេសប៊ុក San Prum បានបង្ហោះរូបភាព និងសរសេររិះគន់ទៅនឹងករណីដ៏ហួសចិត្តនេះថា៖
«អ្នកណាអនុញាតឲ្យបងប្អូនបរទេសលើកស្លាកបែបនេះ????
បញ្ហាលើកស្លាក និងបកប្រែអក្សរខ្មែរខុស កំពុងតែកើតឡើងច្រើនទៅៗ នៅកម្ពុជាយើង ជាពិសេសគឺនៅខេត្តព្រះសីហនុ ដែលតាមរយៈស្លាកខុសបែបនេះ យើងអាចសន្និដ្ឋានបានថា អាជ្ញាធរខេត្ត មានចំណុចខ្សោយ ខាងគ្រប់គ្រង មន្ត្រីរាជការក្រោមឱវាទ ចាប់ពីភូមិឃុំស្រុកខ័ណ្ឌរហូតដល់មន្ទីរ….ឬអាចនិយាយថា រឿងអត់លុយពួកគាត់មិនចង់ហត់ទេ……។ល។» ។
ទាក់ទងនឹងករណីនេះ មានអ្នកប្រើប្រាស់បណ្តាញសង្គម បានខមិនរិះគន់ និងចំអកប្រៀបធៀបក្នុងន័យផ្សេងៗ ។ រីឯអ្នកខ្លះទៀត បានឆ្ងល់ថា តើអ្នកសរសេរហ្នឹង អត់ចេះខ្មែរទេឬៗ មួយក៏ខាងម្ចាស់ស្លាកជាចិន គេតម្រូវឲ្យសរសេរទាំងមើលមិនយល់ ស្រេចតែចិត្តគេបែបហ្នឹង!!? ៕ ដោយ៖ ឧត្តម
ចុះប្រិយមិត្តវិញយល់ឃើញយ៉ាងណាស់?