កាលពីព្រឹកថ្ងៃទី២០ វិច្ឆិកា ម្សិលមិញនេះ ប៉ូលីសនៃស្រុក Sena ខេត្ត Ayuthaya រួមជាមួយក្រុមអ្នកស្ម័គ្រចិត្តចំនួន ២០០ នាក់ បានសហការគ្នាចាប់បុរសម្នាក់ឈ្មោះ Anan Komlawanit អាយុ ២៣ ឆ្នាំ ដែលត្រូវបានចាប់ខ្លួនកាលពីថ្ងៃទី១៩ វិច្ឆិកា ពីបទកាន់កាប់ yaba tablet ចំនួន ៩៦ ក្នុងគោលបំណងយកទៅលក់ ដាក់ចូលក្នុងទ្រុងដែកវិញ បន្ទាប់ពីប្រើក្បិចបោកបញ្ឆោតប៉ូលីសម្នាក់ ដើម្បីគេចខ្លួនពីក្នុងមន្ទីរឃុំឃាំង ។
នាយប៉ូលីសជាន់ខ្ពស់លោក Ratchada Supawong បានឲ្យដឹងថា នគរបាលរងការចាញ់បោករបស់ Anan បានពន្យល់ថា ក្នុងអំឡុងពេលនៃហេតុការណ៍នោះ ជនសង្ស័យរូបនេះ បានស្រែកយំឡើងខ្លាំងៗថា មានពស់១ក្បាល កំពុងចេញមកពីក្នុងបំពង់នៃបន្ទប់ឃុំខ្លួន ។ នៅពេលនោះ គាត់ក៏បានចូលមកក្នុងទ្រុងដែកចំនួន ៤ ដើម្បីស្វែងរកពស់ ។ ប៉ុន្តែ នៅពេលចូលមកលើកចុងក្រោយ មានការធ្វេសប្រហែសពុំនឹកស្មានដល់ ជាហេតុធ្វើឲ្យ Anan ឃើញឱកាសល្អបើកទ្វាររត់ចេញ និងសូម្បីចាក់សោរឲ្យមន្ត្រីនោះជាប់ក្នុងទ្រុងវិញម្តងទៀតផង ។
ទោះយ៉ាងណា ជនសង្ស័យរូបនេះ ត្រូវបានចាប់ខ្លួនមកវិញ ហើយឥឡូវនេះ កំពុងប្រឈមមុខការចោទប្រកាន់បន្ថែម សម្រាប់ការរត់ចេញពីមន្ទីរឃុំឃាំង ហើយចាក់សោរឲ្យមន្ត្រីម្នាក់ជាប់ខាងក្នុងគួរឲ្យហួសចិត្តបែបនេះ ៕ ដោយ៖ ឧត្តម (ប្រភព៖ Coconuts)