ពួកអ្នករកស៊ីខិលខូចមួយក្រុមនៅក្នុងប្រទេសចិន ត្រូវបានចាប់ខ្លួនដោយអាជ្ញាធរមូលដ្ឋាន ក្នុងករណីចោទប្រកាន់ផលិត និងលក់ស្រោមអនាម័យក្លែងក្លាយ ។
ប៉ូលីស Cangnan ដែលដឹកនាំការស៊ើបអង្កេត និងឆ្មក់ចូល បានរឹបអូសប្រអប់ស្រោមអនាម័យក្លែងក្លាយចំនួន ៥០០,០០០ ប្រអប់ ដែលមានតម្លៃ ៥០ លានយាន់ (៧ លានដុល្លារ) ។
យោងតាមប្រព័ន្ធផ្សព្វផ្សាយរបស់រដ្ឋ ស្រោមអនាម័យទាំងនោះត្រូវបានគេលក់ទៅឱ្យសណ្ឋាគារ, ផ្សារទំនើប នៅភាគកណ្តាល និងភាគខាងកើត នៃប្រទេសចិន ក្រោមស្លាកសញ្ញានៃម៉ាកអន្តរជាតិដូចជា Durex និង Okamoto ។
ស្រោមអនាម័យទាំងនោះ ដែលបានក្លាយជាផលិតផលក្លែងក្លាយសឹងតែទាំងស្រុង នៅក្នុងប្រទេសចិន ជាធម្មតា មានតម្លៃប្រហែល ២០ ទៅ ១៥០ យាន់ ក្នុង១កញ្ចប់ (៣ ទៅ ២២ ដុល្លារ) ។
ទន្ទឹមនឹងនោះ ស្រោមអនាម័យក្លែងក្លាយទាំងនោះ ត្រូវបានគេរាយការណ៍ថា ត្រូវបានលក់ទៅកាន់អ្នកលក់រាយ ក្នុងតម្លៃបោះដុំត្រឹមតែ១យាន់ប៉ុណ្ណោះ ។
លទ្ធផលនៃការឆ្មក់ចូលនេះ ប៉ូលីសបានចាប់ខ្លួនមនុស្សចំនួន ១៧ នាក់ មកពីរោងចក្រផ្សេងៗគ្នា នៅក្នុងខេត្ត Henan និង Hubei នៃស្រុក Cangnan ប្រទេសចិន ។
លោក Chen He អ្នកគ្រប់គ្រងផលិតផលស្រោមអនាម័យម៉ាក Daxiang នៅក្នុងស្រុក បានព្រមានមិនឱ្យប្រើស្រោមអនាម័យដែលមានគុណភាពអន់ទាំងនោះទេ ព្រោះវាប្រឈមនឹងហានិភ័យ ដល់សុខភាពដែលបង្កឡើងដោយបាក់តេរី និងផ្សិត ។
Chen បានប្រាប់ SCMP ឲ្យដឹងថា៖ «ជាធម្មតា ការផលិតស្រោមអនាម័យតាមស្តង់ដារ ត្រូវបានចាត់ថ្នាក់ជាគ្រឿងសុខភាពមួយ ដែលប្រាស្រ័យផ្ទាល់ជាមួយខ្លួនមនុស្ស, ពាក់ព័ន្ធការធ្វើតេស្តសម្លាប់មេរោក និងអេឡិចត្រូនិក សម្រាប់រន្ធ និងចំណុចស្តើង» ។
លោកបន្តថា៖ «ប៉ុន្តែ នៅក្នុងកន្លែងផលិតខុសច្បាប់វិញ គឺតែងតែធ្វើឡើងកខ្វក់, វាហាក់ដូចជាពួកគេមានវិធីសាស្ត្រត្រឹមត្រូវ ក្នុងការគ្រប់គ្រងបាក់តេរី និងកម្រិតផ្សិត ឬ ការធ្វើតេស្តសម្រាប់រន្ធ ។ ម៉ាស៊ីនផលិតគឺមានតម្លៃថ្លៃណាស់ ហើយខ្ញុំពុំគិតថាពួកគេនឹងខ្វាយខ្វល់រកទិញវាដើម្បីផលិតឲ្យបានត្រឹមត្រូវនោះទេ ។ មួយចំនួននៃស្រោមអនាម័យដែលថោកៗ គឺសូម្បីត្រូវបានកែច្នៃផលិតឡើងវិញ ពីអ្នកប្រើប្រាស់រួចទៀតផង» ៕ ដោយ៖ ឧត្តម (ប្រភព៖ Nextshark)
ទស្សនាវីដេអូ => (Video)